Ai tha: " Kultura është një urë direkte dhe efikase për shtimin e njohjes dhe të miqësisë midis popujve të vendeve të ndryshme. Prandaj Kina u kushton gjithmonë një rëndesi të madhe shkëmbimeve e bashkepunimit ndërkombëtar. Qeveria ka hedhur fonde të mëdha në këtë punë. Veçanërisht gjatë viteve të fundit shkëmbimet kulturore të Kinës me jashtë kanë marrë një zhvillim shumë të madh."

Sikurse njoftoi zoti Din, shkëmbimet kulturore me jashtë gjatë këtyre 5 vjetëve ishin më të gjalla në histori dhe me sukseset më të dukshme. Përpjesëtimet dhe sferat e tyre ishin të papara. Numri i objekteve të shkëmbimeve kulturore me jashtë, të miratuara nga Ministria e kulturës e Kinës ishte mesatarisht çdo vit 1590 me 21479 veta. Ndër to shkëmbimet me shfaqjet artistike dhe ekspozitat artistike midis Kinës dhe vendeve të tjera ishin më të gjalla. Vitet e fundit Kina ka bashkëpunuar aktivisht me vende të ndryshme dhe kanë organizuar aktivitete të mëdha tematike, si "Aktivitetet festive ndërkombëtare -- Takimi në Pekin", "Festivali ndërkombëtar i muzikës në Pekin", "Festivali ndërkombëtar artistik në Shangai" etj. Në to janë ftuar Trupat e njohura artistike botërore dhe artistët më të njohur nga vendet e ndryshme që të japin programe në Kinë, që banorët kinezë të shohin para portës së tyre shfaqjet dhe ekspozitat më të shquara të vendeve të ndryshme.

Krahas këtyre, sektorët përkates dhe organizatat popullore të Kinës kanë organizuar aktivisht edhe aktivitetet kulturore jashtë vendit, si për shembull në vitin 1999, qeveria kineze dhe UNESKO-ja organizuan në Paris "Javën e kulturës kineze", dhe me rastin e 50-vjetorit të shpalljes së Kinës së Re në vitin 1999 organizimi i ekspozitës së madhe: " Rruga e ndritur" dhe shfaqja e filmit dokumentar: "Rruga e Republikës Popullore" u ekspozua dhe u shfaq në 197 vende të botës, kështu në shkallë botërore është ngritur "vrulli i njohjes së Kinës". "Stina e kulturës kineze" e organizuar në Francë në vitin 2000, "Turneu i kulturës kineze në SHBA", " Viti i kulturës kineze" i organizuar në Japoni, "Viti i shkëmbimeve midis shtetasve të Kinës dhe të Republikës së Koresë", si dhe shfaqjet e Ansamblit artistik të Tibetit në Kanada e Belgjikë kanë demonstruar në mënyrë të përqendruar kulturën e artet e Kinës për popujt e vendeve të ndryshme dhe janë mirëpritur prej tyre.

Pas shfaqjes së një koncerti në Uashington nga Filarmonia qendrore e kombësive e Kinës, një spektator amerikan i tha me emocion korrespondentit tonë: "Më pëlqen shumë ky koncert, megjithse nuk i kuptoj shumë instrumentet e muzikën kineze, unë ndjej se koordinimi i gjithë instrumenteve kineze ishte shumë interesant dhe tërheqës. Unë shpresoj të njoh sa më shumë kulturën kineze. Mund të them me një fjalë se mbrëmja sonte ishte shumë e gëzueshme dhe e sukseshshme."

Duke folur për të ardhmen e shkëmbimeve kulturore të Kinës me jashtë, funksionari i Ministrisë së Kulturës të Kinës zoti Din është me plot besim. Ai shpreson se nëpërmjet qarkullimit tregtar në të ardhmen shkëmbimet kulturore të Kinës me jashtë do të zhvillohen gjithnjë përpara. ( Daming )