Megjithëse vendlindja e tij është në qytetin Dongguan, Chen Weiqiang e konsideron gjithmonë vetën si guangzhoujas. Në vitin 1932, ky guangzhoujas fitoi medaljen e artë olimpike, duke u bërë kampion i parë olimpik i qytetit të Guangzhout.

"Unë kam lindur në qytetin e Guangzhout dhe jam rritur atje, pra jam kampion olimpik i tij," tha Chen Weiqiang.

Familja e Chen Weiqiang-ut është një familje sportive. Xhaxhai i tij Chen Jingkai është nderi i Kinës, më 7 qershor në vitin 1956, Chen Jingkai theu rekordin botëror të peshëngritjes në stilin e shtytjes të krijuar nga amerikani Wenchi, duke u bërë kinezi i parë që thyen një rekord botëror. Edhe xhaxhai tjetër i Chen Weiqiang-ut është një peshëngritës i dalluar, ai ka thyer gjithsej 4 herë rekordin botëror të peshëngritjes.

Nën ndikimin e familjes, Chen Weiqiang filloi të stërvitet në sportin e peshëngritjes në moshën 14 vjeçare në vitin 1972. Pas stërvitjes profesioniste, niveli i tij u ngrit shumë dhe Chen Weiqiang hyri në ekipin e provincës së Guangdongut. Në vitin 1975, Chen Weiqiang mori pjesë në emër të provincës në spartakiadën kombëtare dhe u radhit në vendin e 4-të të peshëngritjes, duke krijuar rekord të ri kombëtar në peshëngritje, në stilin e shtytjes. Dhe 2 vjet më pas, Chen Weiqiang theu gjithsej 2 herë rekordin botëror dhe 8 herë rekordin botëror për të rinj. Kështu Chen Weiqiang u bë një yll sportiv i botës.

Në vitin 1980, Chen Weiqiang u lëndua në bryl në kampionatin kombëtar të peshëngritjes dhe më pas pësoi rëndë herë lëndime në stërvitje. Chen Weiqiang u godit shumë nga lëndime të pandërprerë. Dhe për fat të keq, ai u infektua nga hepatiti dhe nuk u lejua të vazhdojë stëvitjen. Karriera e tij ra në këtë kohë në pikën më të ulët.

Por me vendosmësri dhe me këmbëngulje, Chen Weiqiang nuk hoqi dorë nga peshëngritja dhe në Lojërat Aziatike të vitit 1982, ai fitoi medaljen e artë në peshëngritjen në stilin e shkëputjes. Më pas, Chen Weiqiang fitoi medaljen e artë në kampionatin botëror të peshëngritjes. Megjithëse fitoi disa medalje të arta, niveli i tij u ul gradualisht. Lidhur me medaljen e artë olimpike, Chen Weiqiang tha se fitorja ishte me fat. Ai u shpreh se nëse Kina do të kishte marrë pjesë në Lojërat Olimpike të vitit 1980, kishte shumë mundësi që ai të shpalli kampion. Ndërkohë, në vitin 1984, niveli i tij i vërtetë ishte vetëm në vendin e 3-të të botës. Por këtë herë fati është me të, shumë peshëngritës të dalluar të Evropës lindore nuk morën pjesë në Lojërat Olimpike, Chen Weiqiang u ndesh vetëm me një peshëngritës rumun dhe për shkak të peshës më të lehtë, ai fitoi në fund medaljen e artë. Chen Weiqiang tha pas garës se të fitosh medalje të artë duhet të kesh forcë të madhe dhe fat të mirë. (Jiang Lei)