dëgjoni 

Më 6 dhjetor filloi të mblidhen në mbarë botën projektet e pishtarit të Lojërave Olimpike të Pekinit. Duke folur për pishtarin olimpik, na vjen ndër mend pa tjetër stafeta e pishtarit olimpik, që është një aktivitet i rëndësishëm global para hapjes së Lojërave Olimpike. Pra, sot do t'ju njoh një person që ka marrë pjesë për 4 herë në stafetat e pishtarit olimpik, Ma Guoli-në.

Ma Guoli është një person i famshëm në qarqet sportive të Kinës. Përpara emrit të tij, ka një varg titujsh: gazetar veteran i sportit, administrator i parë i Kompanisë së Transmetimit të Lojërave Olimpike të Pekinit, ish-drejtori i Kanalit Sportiv të Televizionit Qendror të Kinës, kryetari i Federatës së Gazetarëve Sportiv të Televizioneve të Kinës, etj. Ai ka marrë pjesë në raportimin e 6 Lojërave Olimpike dhe në 4 stafeta të pishtarit olimpik.

Duke folur për eksperiencën e vet në pjesëmarrjen në stafetat olimpike, ai ka shumë për të thënë.

Në vitin 1992, Komiteti Organizativ i Lojërave Olimpike të Barcelonës ftoi 8 kinezë të merrnin pjesë në stafetën e pishtarit dhe Ma Guoli ishte njeri prej tyre. Ajo ishte hera e parë që ai merrte pjesë në një stafetë të tillë, pra i ka lënë përshtypje të thellë. Në Sevilie të Spanjës, përpara objektivit të video-kamerës, Ma Guoli u nis për në stafetë. Brenda vetëm 3 minutave, ai kallëzon emocionet e tij: 

"Duke mbajtur në dorë pishtarin olimpik, unë vrapova për 100 metra. E ndiej thellësisht se sporti është një nyjë që lidh mbarën botën. Krenohem shumë, sepse jam një pjesë përbërëse e kësaj nyje."

Ma Guoli i përgjithësoi ndjenjat e atëhershme me fjalën "shenjë".

Më vonë, ai mori pjesë përkatësisht në stafetat e pishtarit të Lojërave Olimpike të Sidnejit më 2000, të Qytetit të Liqenit të Kripur më 2002 dhe të Athinës më 2004.

Ma Guoli theksoi më së një herë se stafeta e pishtarit olimpik është e mrekullueshme. Ai është i mendimit se rëndësia e parë e staferës qendron te mundësie që u krijohet sa më shumë njerëz për të njohur dhe për të ndierë drejtëpërdrejt frymën e Olimpiadës. Jo të gjithë njerëzi e kanë mundësinë e shkojnë në stadiume si spektator, ndërkohë stafeta u krijon raste të shumta njerëzve të marrin pjesë në Olimpiadë, e kështu fryma olimpike përhapet më gjerësisht. Në këtë pikëpamje, stafeta e pishtari olimpik ka një ndikim më të madh së vetë Lojërat Olimpike.

Pjesamarrja për 4 herë në stafetat e pishtarit olimpik është një gjë e rrallë për çdo person. Por Ma Guoli, fatbardhë, nuk ndjehet i plotësuar për këtë. Ai pret ta dorëzojë edhe një herë zjarrin e shenjtë olimpik më 2008, në vendin e vet. "Nuk do të ketë ndonjë keqardhje për jetën time, në rast se do të isha i Maratonomaku i pishtarit olimpik, për herë të 5-të." (Wang Lei)