dëgjoni 

Muajin e kaluar, maskoti i Lojërave Olimpike të Pekinit, 5 kukulla të fatmirësisë u bënë publikë për botën. Këto 5 figura simpatike, si peshku, panda, lopa tibetiane, dallëndyshja pekinase dhe zjarri i shenjtë olimpik, u parapëlqyen gjerësisht nga kinezët dhe të huajt.

Para një muaji, njerëzit qenë preokupuar mjaft për figurën e maskotit, por tani si t'i blejnë ato është bërë shqetësimi i ditës. Gjendja aktuale është që këto kukulla parapëlqehen në mbarë Kinën. Mallra të ndryshme që lidhen me to janë shitur mirë dhe në shumë krahina oferte nuk mund ta plotësojë fare kërkesën.

Në sportelin e posaçëm të mallrave olimpike në Plazën Wangfujing, përgjegjësi Zheng Yudong i tha korrespondentit të Radios së Jashtme të Kinës:

"Në këtë sportel vinë çdo ditë mbi 60 kuti të kukullave të fatmirësisë, që shiten krejtësisht pothuajse brenda 1 ore e gjysmë."

Zoti Wang erdhi në Plazën Wangfujing posaçërisht për të blerë kukullat e fatmirësisë. Pasi mori vesh nuk kishte për çastin, porositi menjëherë 50 seri kukullash.

Ky fenomen ndodh edhe në Shangai, në Guangzhou, në Chengdu, etj. Banorja e qytetit të Shangait, zj. Rong i tha Korrespondentit të radios sonë në telefon:

"Në disa sportele të posaçme të mallrave olimpike në Shangai, janë shitur plotësisht rezervat me kukulla të fatmirësisë. Sa shumë më pëlqejnë këto kukulla!"

Kinezët kanë shprehur entuziazëm të paparashikuar për kukullat e fatmirësisë. Shitja e mirë pasqyron, pranimin gjerësisht të këtyre kukullave. Në fakt, qysh nga dita e publikimit, ato janë vlerësuar nga personalitete kineze dhe të huaja.

Kukullat e fatmirësisë janë 5 partnerë të ngushtë: Beibei, Jingjing, Huanhuan, Yingying dhe Nini. Shqiptimi i emrave me radhë përbën një fjali në gjuhën kineze, Bei-Jing-Huan-Ying-Ni, që do të thotë: Pekini të mirëpret. Figurat e tyre përfaqësojnë përkatësisht peshkun, pandën, zjarrin e shenjtë të Olimpiadës, lopën tibetiane dhe dallëndyshen pekinase, që simbolizojnë me radhë detin, pyllin, zjarrin, tokën dhe qiellin.

Në figurat e kukullave të fatmirësisë shkrihen shumë faktorë të kulturës kineze. P.sh. figura e peshut të kukullës Beibei ka përdorur stilin e pikturave tradicionale të Festivalit të Pranverës të Kinës; zbukurimet në kokën e kukullës Huanhuan, që përfaqëson zjarrin e shenjtë të Olimpiadës, vijnë nga skica e zjarrit tnë pikturave murale në Dunhuang. Kryetari i Shoqatës së Arteve të Kinës, Xin Shangyi tha se tërësia e maskotit të Lojërave Olimpike të Pekinit është simbol i kulturës kineze me përmbajtje të pasur artistike.

Krahas këtyre, tjetër arsye e shitjes së mirë të kukullave të fatmirësisë vjen nga figurat e tyre të gjalla prej kartoni.

Komiteti Organizativ i Lojërave Olimpike të Pekinit bëri një anketë në një shkollën fillore dhe në një kopsht fëmijësh. Nga rezultati del se 98% e fëmijëve ishin të mendimit se të pesta kukullat janë shumë simpatike dhe ato janë miq me njeritjetrin ose si një familje.

Nënkryetari i Komisionit të Koordimit për Lojërat Olimpike të Pekinit, z. Kevin Gosper i vlerësoi lartë këta 5 vogëlushë të përkëdhelur. Ai tha:

"5 kukullat janë lidhura ngushtë njera me tjerën ashtu si 5 gishtërinjtë e dorës. Ato, në 5 rrathët e Olimpiadës, mishërojnë bashkekzistencën harmonike midis njeriut dhe natyrës, që tregon aftësinë të lartë përfytyruese. Pra, Olimpiada duhet ta falënderojë Pekinin."

Maskoti i Olimpiadës, me forcë tërheqëse dhe ndikim të madh, ka edhe një vlerë kolosale. Gjatë Lojërave Olimpike të Athinës, dy maskotët, Athina dhe Fevosi krijuan një vlerë prej 200 milionë dollarësh. Sipas parashikimit, maskoti i Lojërave Olimpike të Pekinit ka mundësi të sjellë mbi 300 milionë përfitime. Sigurisht, më i rëndësishëm se fitimet ekonomike është fakti që nëpërmjet këtyre 5 kukullave, Kina do të përhapë qytetërimin e lashtë dhe miqësinë e kinezëve në çdo kënd të botës. (Wang Lei)