Në fund të gushtit të këtij viti, filmi kinez " 7 shigjetat " befasoi ceremoninë e hapjes së Festivalit kinematografik të Venecies dhe në ceremoninë e mbylljes u shfaq përsëri një film artistik kinez " Në qoftë se ke dashuri ". Në historinë e tre festivaleve të mëdha evropiane, kjo ishte hera e parë që filmat e të njëjtit vend hapën dhe mbyllën festivalin. Në këtë festival u shfaqën edhe l0 filma të vjetër kinezë, sepse viti 2005 është viti i kinematografisë kineze. Nga viti l905 deri në vitin 2005, kinematografia kineze ka kaluar një rrugë l00 vjeçare dhe pikërisht për këtë arsye, Festivali Kinematografik i Venecies i këtij viti i kushtoi një rëndësi shumë të madhe kinematografisë kineze.

Krahas hapjes së Festivalit kinematografik të Venecies, në Kinë filluan edhe aktivitete të shumta kushtuar l00 vjetorit të kinematografisë kineze. Në kohën kur mbarë vendi e ka përqendruar vëmendjen në kremtimin e l00 vjetorit të kinematografisë kineze, në mes të shtatorit të këtij viti, qendra e zhvillimit të tregut kulturor e Ministrisë së Kulturës të Kinës organizoi një mbledhje me pjesëmarrjen e specialistëve, kineastëve, artistëve dhe mediave ku morën pjesë shumë personalitete të njohura të qarqeve kinematografike. Në mbledhje, prezantuesi i njohur i Televizionit Qendror të Kinës z. Cui Yongyuan bashkë me mysafirët përkujtuan jo vetëm historinë l00 vjeçare plot zigzage të kinematografisë kineze, por bënë edhe rrëfime rreth filmave të vjetër klasikë kinezë. Edhe një komplet koleksionesh të kinematografisë l00 vjeçare kineze i prezantuar nga qendra e zhvillimit të tregut kulturor e Ministrisë së Kulturës u prit nxehtësisht nga të pranishmit. 

Në këtë komplet koleksionesh të kinematografisë l00 vjeçare kineze, përfshihen DVD të l00 filmave klasikë artistikë kinezë dhe të l00 serive të rubrikës së Televizionit Qendror të Kinës "Magjia e filmave artistikë", si dhe l00 broshura me vizatime të filmave artistikë kinezë. Ndër to janë edhe l00 reklama të filmave të vjetër kinezë dhe CD me l00 këngë origjinale nga filma të vjetër kinezë etj.

Në DVD-në e l00 filmave të vjetër artistikë janë shënuar kujtimet e njerëzve për filmat e vjetër klasikë kinezë, janë edhe trashëgimi i kulturës së kombit kinez.

Njerëzit janë të bindur se me daljen në treg të këtij kompleksi koleksionesh të kinematografisë l00 vjeçare kineze, do të nxitet më tej entuziazmi i njerëzve për artin e kinematografisë kineze. ( Zhai)