Në vitin 1979 në kampionatin e 33-të botëror të peshëngritjes, Wu Shude fitoi titullin kampion, duke u bërë peshëgritësi i parë kinez që fiton titullin kampion botëror. Në vitin 1984, ai fitoi medaljen e artë të Lojërave Olimpike të Los Anxhelosit. Në karrierën e tij sportive, ai e ka thyer gjithsej 9 herë rekordin botëror të peshëngritjes.

Në vitin 1973, Wu Shude filloi karrierën e tij si peshëngritës dhe niveli i tij ngritej dita ditës derisa në vitin 1978, ai fitoi titullin kampion në kampionatin botëror të peshëngritjes për të rinj të vitit 1978. Lidhur me këtë titull kampion, Wu Shude është i mendimit se kjo është e natyrshme, sepse niveli i tij në stërvitje e kishte arritur atë stad.

Duke kujtuar çastin e fitores së medaljes së artë, Wu Shude tha: "Para garës unë e pata pakësuar peshën time, prandaj unë nuk ndiehesha mirë, veçanërisht pas provës së parë." Megjithatë, Wu Shude nuk hoqi dorë dhe e mblodhi veten. Ai ia kushtoi të gjithë vëmendjen të garës së fundit dhe e mbaroi me sukses provën e tretë me 147.5 kg, duke fituar medaljen e artë olimpike.

Në fillim të vitit 2002, kur ekipi kinez i peshëngritjes ishte në gjendje të vështirë, Wu Shude hoqi dorë nga posti i tij si kryetari i Drejtorisë Sportive të Rajonit Autonom Guangsi Zhuang dhe filloi të punojë si trajner i përgjithshëm i kombëtares kineze të peshëngritjes.

Pasi filloi nga puna si trajner, Wu Shude u përpoq të formojë një mjedis të ri në ekip. "Në të kaluarën, në këtë ekip ka pasur disa grupe të vogla me trajnerë të caktuar, prandaj ekzistonin disa probleme në zgjedhjen e lojëtarëve të dalluar. Nëse nuk do të zgjidheshin këto probleme, ekipi ynë nuk do të dilte nga vështirësia." Wu Shude gjithmonë stërvitet bashkë me lojtarët e tij dhe lojëtarët janë shumë inkurajuar, prandaj morali i të gjithë ekipit është shumë i lartë dhe niveli i të gjithë lojtarëve është ngritur. Kombëtarja kineze e peshëngritjes është rigjallëruar.

Përgatitja e një lojtari të dalluar është një gjë e vështirë," Wu Shude tha: "Një trajner i mirë jo vetëm duhet të përgatitë lojtarë me nivel të lartë sportiv, por edhe duhet të formojë një mjedis të mirë bashkëpunimi midis tyre."

Në gusht të vitit 2003, Wu Shude u largua nga kombëtarja kineze e peshëngritjes dhe vazhdoi studime për administrimin e sportit në SHBA. Megjithëse ai e ka mbyllur karrierën e tij sportive, Wu Shude ka ende shumë interes për në peshëngritjen, "Unë e gjeta vlerën e jetës sime te peshëngritja."

Lidhur me Lojërat Olimpike, Wu Shude tha se ai dëshiron ta shohë nga afër paraqitjen e peshëngritësve kinezë. Ai është optimist për të ardhmen e ekipit kinez të peshëngritjes dhe është i mendimit se ekipi kinez do të fitojë së paku 4 medalje të arta në Lojërat Olimpike të ardhshme. (Jiang Lei)