Në vitin 2002 Shangai organizoi Kupën e Mjeshtrave të Tenisit. Qysh nga atëherë, me përhapjen dhe me ngritjen e nivelit të sportit të Tenisit, janë zhvilluar në Kinë njëra pas tjetrës gara të rëndësishme të tenisit. Edhe entuziazmi i kinezëve për tenisin është ngritur vazhdimisht. Për këtë, zv/presidenti i Shoqatës së Tenisit Profesionist, përgjegjësi i përgjithshëm i Kupës së Mjeshtrave të Tenisit, Brad Dreivit tha:

"Në vitin 2002 kur ne filluam të flasim për mundësinë e zhvillimit të Kupës së Mjeshtrave në Shangai, shumë njerëz mbajtën qëndrim dyshues lidhur me entuziazmin e kinezëve për një garë të tillë sportive. Kam diskutuar me organizatorët kinezë bile edhe për problemin e shitjes së biletave, sepse kisha frikë mos shihja një stadium bosh gjatë ndeshjeve. Tani e dimë se atëherë u shqetësuam më tepër se duhet. Faktet na tregojnë1` se qysh nga viti 2002 e deri më sot biletat janë shitur mirë. Kështu kuptova se entuziazmi dhe interesi i kinezëve për tenisin janë rritur me shpejtësi të papërfytyrueshme. Tani ka ardhur koha që garat e tenisit në Kinë të ngrihen në një nivel të ri."

Në vitin 2004, të frymëzuar prej fitores së medaljes së artë në garën e tenisit si çift për femra në Lojërat Olimpike të Athinës dhe nga organizimi në Kinës të shumë garave me influencë të tenisit, si Heineken Open në Shangai, Polo Open, Gara e Shoqatës së Tenisit për Femra në Guangzhou, China Open në Pekin, etj., njohuritë e tifozëve kinezë për tenisin janë thelluar dhe entuziazmi i tyre është ngritur vazhdimisht. Nga ana tjetër, pjesëmarrja aktive e tifozëve i ka sjellë zhvillimit të tenisit në Kinë dinamikë të mëtejshme, d.m.th. tenisi ka tërhequr dhe nxitur investimet e ndërmarrjeve. Nënkreytari i Komitetit Organizativ të Kupës së Mjeshtrave të Tenisit në Shangai, z. Wang Liqun vuri në dukje:

"Zhvillimi vitet e fundit i garave të tenisit ka nxitur me të vërtetë ecujn përpara të tenisit në Kinë. Shoqëria dhe publiku e pranojnë dhe marrin pjesë gjithnjë e në mënyrë më aktive në tenis. Në vitin 2002, në garën e parë të Kupës së Mjeshtrave të Tenisit nuk kishte sponsor kinez, kurse tani ndërmarrjet kineze zënë mbi gjysmën e sponsorëve të kupës. Prandaj kemi gjithnjë e më shumë besim për këtë treg."

Me zhvillimin e shpejtë të ekonomisë kineze dhe fuqizimin e potencialit, ndërmarrjet kineze po i kushtojnë më shumë rëndësi tenisit dhe më tej mund të ofrojnë edhe mbështetjen bazë për zhvillimin e tenisit në Kinë.

Kupa e Mjeshtrave të Tenisit do të mbahet edhe për dy herë me radhë në Shangai dhe pas tyre, Shangai ka prioritet për zhvillimin edhe dy herë të tjera të kësaj gare. Vendosja për një kohë kaq të gjatë e një gare supreme që tërheq vëmendjen e mbarë botës, me siguri, do të nxitë më tej përhapjen e tenisit në Kinë. Nënkryetarja e Shoqatës së Tenisit të Kinës, zj. Sun Jinfang tha:

"Është shtuar në përmasa të mëdha sasia e adhuruesve të tenisit në Kinë. Për përhapjen e tenisit, kemi një plan të madh. Qysh nga viti 2006 tenisi do të përfshihet si një nga 16 disiplinat e duhura sportive në edukimin e detyrueshëm 9 vjeçar të Kinës. Kjo është një masë shumë e rëndësishme, sepse edukimi i detyrueshëm 9-vjeçar përfshin një numër të madh të popullsisë kineze."

Ne mund të përfytyrojmë një pamje të bukur në Kinë, që fëmijë kinezë, me interes për tenisin qysh në shkollën fillestare, mund të shohin garat e nivelit suprem të tenisit në vendin ose qytetin ku banojnë. Besojmë se në një të ardhme jo të largët niveli i tenisit të kinezëve do të ngrihet më tej. (Wang Lei)