Në mbledhjen e Shoqatës së Mbrojtjes dhe Zhvillimit të Kulturës Tibetiane të Kinës të zhvilluar më 3 e 4 dhjetor në Pekin, nënkryetarja e Komitetit Kombëtar të Konferencës Konsultative Politike të Popullit Kinez Liu Yandong u shpreh se tani kultura tibetiane përballet me shanse të mira të zhvillimit.

Liu Yandong tha se tani çështjet e ndryshme socialiste të Kinës po zhvillohen mirë, ekonomia kombëtare është rritur vazhdimisht me shpejtësi, potenciali shtetëror është ngritur pandërprerë, niveli jetësor i popullit është përmirësuar dukshëm. Qeveria qendrore u kushton shumë rëndësi çështjeve tibetiane dhe si rezultat, ekonomia tibetiane është zhvilluar shpejt, shoqëria ka pasur progres të madh. Të gjitha këto i kanë hedhur bazë të fortë çështjes së mbrojtjes dhe zhvillimit të kulturës tibetiane duke krijuar kushte të mira shoqërore.

Liu Yandong vuri në dukje posaçërisht kontributin e madh të Shoqatës së Mbrojtjes dhe Zhvillimit të Kulturës Tibetiane të Kinës. Ajo tha se kjo shoqatë ka bërë punë efektive për t'i treguar mbarë botës kulturën dhe zakonet e veçantë magjike të Tibetit si dhe pamjen e re të lulëzuar të tij. Këto punë kanë shtuar njohjen e komunitetit ndërkombëtar për Tibetin dhe kanë rëndësi të madhe për mbrojtjen e zhvillimin e kulturës së shkëlqyeshme tradicionale tibetiane dhe për ruajtjen e unitetit të kombësive të ndryshme. (Fani)