Vitet e fundit, në rajonin Pinkou të Pekinit, rajon i njohur për prodhimin e pjeshkëve në Kinë, kanë ndodhur ndryshime të mëdha në strukturën industriale. Dhe ekonomia e tij ka marrë një zhvillim të madh. Por pas hetimeve të bëra nga specialistët përkatës, është ruajtur mirë mjedisi i tij ekologjik. Në një intervistë që dha ditët e fundit për korrespondentin e Agjencisë Kineze të Lajmeve Hsinhua, sekretari i komitetit të partisë për rajonin Pinkou të Pekinit Qing Gan tha: " Malet e gjelbëruara, uji i pastër i lumit, qielli i kaltër dhe retë e bardha janë të gjitha burime natyrore. Mbrojtje e mjedisit do të thotë mbrojtje e " arteries" ekonomike dhe zhvillimi ekonomik nuk duhet të sakrifikojë mjedisin ekologjik."

Rajoni Pinkou që është zgjedhur si një nga " rajonet shembullore ekologjike Shtetërore", gjendet në veri-lindje të Pekinit. Dy të tretat e këtij rajoni janë zonë malore. Për arsye se gjendet larg qytetit të Pekinit, industria e këtij rajoni është zhvilluar vonë, ndërsa bujqësia tradicionale kishte një pozitë mbizotëruese dhe të ardhurat e fshatarëve të tij janë shtuar ngadalë. Vitet e fundit, sipas kërkesave të konceptit të zhvillimit shkencor, rajoni Pinkou ka përcaktuar strategjinë e zhvillimit " Rajon i fuqishëm industrial, pasurim i popullit nga turizmi", dhe duke shfrytëzuar plotësisht epërsinë e madhe të mjedisit ekologjik, ka bërë përpjekje të mëdha për zhvillimin e ndërmarrjeve moderne të prodhimit, të industrisë ushqimore dhe të turizmit, për të nxitur zhvillimin harmonik shoqëror, ekonomik dhe të mjedisit.

Rajoni Pinkou ka epërsi të mjedisit. Pa mjedis të mirë, nuk do të vijnë ndërmarrje për investime. Mjedisi i mirë ekologjik është bërë si një " kartë vizitë" e rajonit Pinkou dhe ka tërhequr gjithnjë e më shumë investitorë kinezë e të huaj.

Nga janari deri në tetor të këtij viti vlera e prodhimit industrial të këtij rajoni ka arritur në 7 miliardë e 700 milionë juanë, duke u shtuar 36% në krahasim me të njëjtën periudhë të vitit të kaluar.

Krahas zhvillimit industrial, rajoni Pinkou i Pekinit ka arritur suksese të dukshme edhe në fushën turistike. Që nga viti i kaluar, duke u mbështetur te burimet e pasura të turizmit ekologjik, janë bërë përpjekje të mëdha për zhvillimin e turizmit folkloristik. Zhvillimi i turizmit folkloristik përputhet me vullnetin e fshatarëve dhe të ardhurat e tyre janë shtuar. Nga janari deri në tetor të këtij viti të ardhurat nga turizmi të rajonit Pinkou kanë arritur në 98 milionë e 380 mijë juanë dhe të ardhurat mesatare për çdo familje fshatare kanë arritur në 18 mijë juanë.

Sipas planit, gjatë 5 vjetëve të ardhshëm, rajoni Pinkou do të vazhdojë të shfrytëzojë epërsinë e tij të mjedisit ekologjik, do të zhvillojë ndërmarrjet e tipit të kursimit të energjisë dhe do të ngulë këmbë në zhvillimin shoqëroro-ekonomik, duke pasur parasysh edhe mbrojtjen e mjedisit ekologjik. Rajoni Pinkou i Pekinit do të bëjë përpjekje që në vitin 2010 prodhimi kombëtar i të gjithë rajonit të dyfishohet në krahasim me vitin 2005 dhe sipërfaqja e pyllëzuar e të gjithë rajonit të arrijë në 67%. ( zhang )