Për të kremtuar "Ditën ndërkombëtare të njerëzve me të meta fizike" të përcaktuar nga Asambleja e OKB-së, më 4 dhjetor, u zhvillua në Pallatin e Asamblesë Kombëtare Popullore të Kinës në Pekin shfaqja e valleve dhe këngëve të trupës artistike të njerëzve me të meta fizike e Kinës që fitoi duartrokitjet e shikuesve.

Trupa artistike e njerëzve me të meta fizike u krijua në vitin 1987. Pas krijimit, shumë udhëheqës shtetëror kanë ndjekur shfaqjet e tyre. Njëkohësisht kjo trupë ka vizituar shumë vende të botës për shfaqje. Në prill të vitit 2000, ish-presidenti amerikan Klinton dërgoi letër dhe e ftoi trupën të jepte shfaqje në 6 qytete të SHBA-së. Gjatë periudhës së Lojërave Olimpike të Athinës, trupa artistike përfaqësoi Kinën dhe mori pjesë në festivalin artistik olimpik dhe në ceremoninë e mbylljes së Lojërave Paralimpike. Më 5 korrik të këtij viti, trupa artistike dha shfaqje për liderët e 10 vendeve që morën pjesë në Samitin e Organizatës së Bashkëpunimit të Shangait në Kazakistan.

Gjatë 18 vjetëve pas krijimit, trupa artistike e njerëzve me të meta fizike e Kinës kanë qenë në mbi 40 vende të botës dhe mund të quhet "ambasadori kinez i bukurisë dhe miqësisë". (Fani)