Ai përdor kompyterin duke dëgjuar zërin

Kur lexova E-mailin që më dërgoi i verbri Zhang Çeng, shkruan korrespondenti, unë pyeta veten: si mund të përdorë ai kompyterin. Kur shkova për një vizitë tek ky njeri i vaçantë, ai po shkruante diçka duke ndenjur pranë kompyterit të tij. Me të dëgjuar zërin tim, ai daktilografoi në kompyter fjalën "Mirëseardhët!" Kuptova se programi teknik zanor i kompyterit ndihmon atë për përdorimin e kompyterit. Zhang Çeng është një njeri me karakter të hapur. Gjatë bisedës me mua për eksperiencën e tij në jetë, ai bënte shaka herë pas here.

Zhang Çeng kishte humbur dritën e të dy zyve qysh në moshën 14 vjeçare. Kjo goditje e papritur e dëshpëroi atë dhe ai pothuajse humbi guximin për të rrojtur, bile u mundua disa herë të vriste veten. Por me ndihmën e të afërmëve të tij, ai filloi të pajtohet me realitetin dhe shkoi për të mësuar mjekësinë kineze dhe teknikën e masazhit në shkollën e të verbërve të provincës Hëbei. Për të përvetësuar teknikën e akupunkturës, ai bënte ushtrime në trupin e vet, duke duruar dhimbjen për të gjetur efektin. Për të përvetësuar njohuri të anatomisë së njeriut, ai prekte me dorë trupat dhe kokat e të vdekurve dhe, për këtë arsye, ai shpesh herë zgjohej natën nga ankthi i rëndë.

Ai hapi vullnetarisht një shkollë dhe e mbajti atë duke i shpenzuar të ardhurat nga spitali i vet

Pasi mbaroi shkollën e të verbërve, Zhang Çeng hapi një ambulancë private, nga e cila ai pati të ardhura të konsiderueshme. Kur mori vesh se kishte edhe të verbër të tjerë që nuk kishin punë, atij i lindi një ide për të hapuar vullnetarisht një shkollë për ta. Në vitin 1997, Zhang Çeng hapi një shkollë të masazhit të të verbërve, e cila pranoi dhjetëra nxënës. Më vonë, shkolla e tij u zgjerua dhe u bë një teknikum.

Për shkollimin e këtyre dhjetëra njerëzve të verbër, Zhang Çeng shpenzoi të gjitha depozitimet e tij, madje shiti edhe shtëpinë. Prandaj, ai duhej medoemos të mjekonte me masazh 30 pacientë në ditë, që të fitonte sa më shumë të holla, që të ishin të mjaftueshme për shpenzimet e një ditë të shkollës së tij.

Në dhjetor të vitit 1998, ambulanca private e Zhang Çengut u zgjerua në një spital, ku nxënësit zhvillojnë praktikumet. Kështu që, u bë realitet ideali i tij për të mbajtur shkollën duke shpenzuar të ardhurat nga spitali. Në vitin 1999, Zhang Çengut 23 vjeçar iu dha titulli i mjekut të ngarkuar me detyrë kryesore.

Përparimet e nxënësve të tij e gëzuan Zhang Çengun veçanërisht. Shumë veta nga nxënësit e tij, të ardhur nga familjet jo të pasura fshatare, kanë ndierë në fillim barrë të rëndë për të mësuar në shkollë, por pasi kanë mbaruar shkollën, janë bërë njerëz plot me sukses dhe u ngjallin zili bashkëfshatarëve të tyre. Zhang Çeng u thoshte shpesh herë nxënësve të tij: "Të verbrit nuk kanë pozitë të lartë në shoqëri jo sepse ata janë të verbër, por sepse shumë prej tyre nuk japin kontribut për shoqërinë. Edhe sikur të ishe një njeri nomal fizikisht, po të rrish kot në shtëpi, gjithashtu do të përbuzesh nga të tjerët."

Zhang Çeng ka hapur një ambulancë edhe në Pekin. Sot ai ka 5 ambulanca dhe qendra të masazhit në Xingtai dhe Pekin. Teknikumi i tij i masazhit pranoi gjithsej 500 nxënës, ndër të cilët 300 veta kanë hyrë në postet e punës dhe 100 veta punojn sot në Pekin.

Por, Zhang Çeng nuk kënaqet me kaq, ai ka ndër mend të hapë edhe një shkollë të lartë të të verbërve. Ai është i mendimit se kanali i punësimit të të verbërve nuk duhet të kufizohet me teknikën e masazhit, por të verbrit duhet të kenë sferë akoma më të gjerë për të zgjedhur rrugën e punësimit duke u nisur nga interesi i vet.

Zhang Çeng është i mendimit se, nga anët e muzikës, të kurdisjes së instrumenteve muzikore, të përkthimit gojor dhe të konsultimeve psikike, nuk ekzistojnë pengesa për të verbrit, madje ata kanë mundësi të punojnë në mënyrë të shkëlqyeshme në disa fusha, sepse të verbrit kanë veti më të mprehtë reflektuese nga anët psikike dhe të shqisave të të dëgjuarit e të prekurit. Zhang Çeng është i mendimit se të verbrit mund të përdorin kompyterët. Ai pyet: "Mos vallë, shumica e njerëzve normalë fizikisht nuk përdorin tastierën pa shikuar me sy? "

Ai u shpërble me një dashurie të ëmbël

Ndërkohë kur ishte shumë i zënë me punë, Zhang Çeng korri edhe një dashuri të ëmbël. Mikesha e tij, Xiaozhu është magjistre e diplomuar nga një universitet me famë dhe punon tani si punonjëse në një institucion. Duke folur për njohjen e tyre, ai tha: "Në atë kohë, ajo ishte një studente e fakulitetit të gjuhës kineze. Gjatë pushimeve verore, ajo bëri praktikum në redaksisnë e një gazete. Më njohu mua duke më intervistuar. Ah, sa bukur tingëllon reportazhi që shkroi atjo". Meqë admironin njëri tjetrin, ata vendosën lidhje të ngushta.

Për t'i shkruar letra Zhang Çengut, Xiaozhu filloi të mësojë alfabetin për të verbrit. Nga ana e tij, Zhang Çeng filloi të mësojë edhe hieroglifët, me qëllim që ajo të mos harxhonte shumë energji për të mësuar alfabetin për të verbrit.

Do të jetë një çift i lumtur, sepse njëra është magjistre e talentuar, kurse tjetri është njeri që ka korrur suksese. Midis tyre, nuk ekziston ndonjë pengesë në komunikim dhe ata kuptojnë mirë njëri tjetrin. Dhe të dy do të kenë një të ardhme të bukur.

Të gjitha ato, që bën Zhang Çeng me të gjitha përpjekjet, po krijojnë një skenë veprimi për të verbrit.(Zheng)