Epidemia e gripit të shpendëve e përhapur në disa zona të Kinës u ka krijuar presion degëve të rritjes së shpendëve në Kinë. Tani në Kinë janë therur të gjithë shpendët e zonave 3 kilometra larg epiqendrës së epidemisë, u bëhet vaksina shpendëve të zonave të paprekura nga epidemia për të parandaluar përhapjen e epidemisë. Atëherë ç'ndikim ka ushtruar gripi i shpendëve mbi degët e rritjes së shpendëve në Kinë ? Ç'masa ka marrë Kina për të siguruar rritjen e shëndetshme të shpendëve ?

Z. Liu Yuxiang, një shpendërritës në distriktin Heishan të provincës Liaoning të Kinës veri-lindore, ka rritur 1 mijë pula, të cilat kanë bërë mbi 50 kilograme vezë në ditë. 3 muaj para përhapjes së gripit të shpendëve të ardhurat e tij nga këto pula arritën në 3 mijë juanë. Për fat të keq, shtëpia e tij ndodhet në zonën brenda 3 kilometrave larg epiqendrës, kështu që pulat e tij u therën brenda një ore. Ndërsa ai mori nga qeveria 10 mijë juanë dëmshpërblim. Z. Liu tha:

"Jam i kënaqur me të vërtetë, therja e pulave është për të siguruar shëndetin e popullit. Vetëm po të kemi shëndet të mirë, do të fitojmë përsëri paratë dhe shteti do të na përkrahë."

Shteti përballon në një farë shkalle humbjet e familjeve që rritin shpendë. Megjithatë z. Liu po ndjek me vëmendje zhvillimin e epidemisë dhe shpreson se qeveria do ta kontrollojë sa më parë atë, në mënyrë që ai dhe shpendërritës të tjerë të fillojnë sa më parë nga puna.

Deri më 29 nëntor, në 10 provinca të pjesës kontinentale të Kinës kanë ndodhur 29 epidemi të gripit të shpendëve dhe u therën mbi 20 milionë shpendë shtëpiakë.

Tani Kina ka vendosur të bëjë vaksinojë të gjishë shpendët shtëpiakë të zonave të paprekura nga ky grip. Funksionari i Ministrisë së Bujqësisë së Kinës, kryeveterineri z. Jia Yuling u shpreh se mbi 60% të shpendëve i është bërë vaksina kundër gripit të shpendëve. Kur vaksina të fillojë të ketë efekt, epidemia në Kinë do të kontrollohet. Kina ka paraqitur kërkesën e rreptë për cilësinë e vaksinës.

"Kohët e fundit Ministria e Bujqësisë ka forcuar kontrollin mbi prodhimin dhe shitjen e vaksinave dhe ka goditur rreptësisht prodhimin e shitjen e paligjshme të vaksinave të rreme. Drejtoria ndërkombëtare e epidemisë së kafshëve pas hetimeve në institucionet e studimeve dhe në njësitë e prodhimit ka vlerësuar lart cilësinë e vaksinave të prodhuara në Kinë."

Siç mësohet, prodhimi vjetor i 9 fabrikave kineze të vaksinave ka arritur në 16 miliardë copë, të cilat mund të plotësojnë nevojat e mbarë vendit.

Tani në Pekin është ndaluar shit-blerja e shpendëve të gjalla. Në tregun kryesor të produkteve bujqësore dhe të ushqimeve Caoyuan të qytetit Huhëhaot të Mongolisë së Brendshme të Kinës veriore nuk ka më shpendë të gjalla, edhe pulat e ngrira shiten me vështirësi.

Shitësja e kësaj tregu zj. Zhan Lixiang i tha korrespondentit:

"Në të kaluarën, shitnim për ditë 200, 300 juanë kofshë pulash, kurse tani as 2 kofshë nuk shiten."

Lidhur me këtë gjendje, sektorët qeveritarë e ndërmarrjet e rritjes dhe të përpunimit po forcojnë kontrollin e epidemisë dhe njëkohësisht u shtojnë besimin konsumatorëve për ushqimet prej shpendësh.

Për të kontrolluar në mënyrë efikase epideminë e kafshëve, duke përfshirë gripin e shpendëve, më 21 nëntor, Kina publikoi "Rregulloren urgjente në rast të epidemisë së madhe të kafshëve", në të cilën përcaktohen përgatitjet e përditshme, raporti mbi kontrollin e epidemisë dhe trajtimi i saj, duke krijuar një garanci sistemore për përballimin e rrezikut të gripit të shpendëve.

Në të njëjtën kohë, qeveria kineze ka marrë 9 masa për të përkrahur rritjen e shpendëve.

Tani në Kinë një nga vështirësitë për parandalimin dhe kontrollin e gripit të shpendëve është se familjet që merren me rritjen e shpendëve janë shumë të shpërndara. Specialistët janë të mendimit se kjo formë e rritjes së shpendëve është shumë e disfavorshme për parandalimin dhe kontrollin e gripit të shpendëve. Profesor Zeng Yanchu i Fakultetit të ekonomisë bujqësore të Universitetit të Popullit Kinez i tha korrespondentit:

"Për një kohë të shkurtër, duhet të vëmë nën kontroll gripin e shpendëve, por nën prizmin perspektiv duhet të ndryshojmë formën e rritjes së shpendëve, të pakësojmë rritjen e shpërndarë. Ferma e madhe e rritjes së shpendëve ka kërkesa shumë të rrepta për imunitet, prandaj ulet shumë mundësia e rënies së epidemisë. Edhe sikur të ndodhë gripi i shpendëve në një vend, ka pak mundësi të përhapet në një vend tjetër."

Ky specialist vuri në dukje se për një kohë të shkurtër nuk mund të ndyshojë forma e rritjes së shpendëve, sektorët përkatës duhet të hartojnë sa më parë një standard mbi mjedisin, ushqimin dhe parandalimin e epidemisë.

Tani në krahinat e ndryshme të Kinës po bëjnë përpjekje për kontrollin e përhapjes së gripit të shpendëve, për të pakësuar ndikimin e gripit të shpendëve mbi degët e rritjes së shpendëve. (Pina)