"Gjithçka në Kinë është përtërirë"

Ambasadori i Afganistanit Qiamuddin Rai Barlas ishte student i Universitetit Pekin. Gjatë viteve të 60-të të shekullit të kaluar, ai studioi letërsi moderne kineze në Universitetin Pekin. Pas 34 vjetëve, ai erdhi edhe një herë në Kinë si ambasador i Afganistanit në Kinë. Për këtë ai shprehet shumë i gëzuar. Ai tha lirisht në gjuhën kineze: "Gjithçka në Kinë është përtërirë, duke përfshirë edhe Universitetin Pekin. Më habitin shumë ndryshimet kolosale të këtij qyteti dhe këtij vendi. Jam krenar për Kinën."

Ambasadori i Republikës së Koresë kishte Kim Haxhong tri dëshira, së pari të bëhet diplomat, së dyti të marrë pjesë direkt në punët e vendosjes së marrëdhënieve diplomatike midis Republikës së Koresë dhe Kinës dhe së treti, të bëhet ambasadori i Republikës së Koresë në Kinë. Më 16 tetor 1964, kur mori vesh suksesin e Kinës në eksperimentin bërthamor, ai mendoi se nëse bëhet diplomat, do të shkojë pa tjetër në Kinë. Gjatë studimeve të gjuhës kineze në Fakultetin e Letërsisë të Universitetit Seul, ai mësoi të flasë lirisht në gjuhën kineze. Në vitin 2001 atij iu realizua ëndrra për t'u bërë diplomat në Kinë. Ai tha: "M'u realizua aspirata ime e parë. Qeveria kineze më priti shkëlqyeshëm dhe këtë nuk do ta harroj kurrë."

"Më pëlqejnë operat kineze"

"Kina ka kulturë të pasur dhe të shquar." Kështu tha zoti Faisal Al-Ghais, ambasador i Kuvajtit në Kinë. "Më pëlqejnë operat kineze, si Opera e Sichuanit, Opera e Pekinit, Opera e Shaoxingut, të cilat janë shumë të njohura; më pëlqen muzika klasike si dhe bukurshkrimi kinez, që janë të mrekullueshme. Kam interes të madh edhe për pakicat kombëtare të Kinës, që kanë kostume të bukura dhe aktivitete të larmishme nacionale. Të gjitha këto më nxitin të mësoj me zell dhe të zotëroj kinezishten."

"Doket e zakonet e Kinës janë shumë interesante." Këto janë fjalët e zotit Tor Hildan, ambasador i Norvegjisë në Kinë. Atij i pëlqen shumë koleksioni i monedhave të lashta kineze. Ai tha: "Kina ka shumë festa, të mëdha dhe të vogla. Gjatë festave, e gjithë familja dhe të afërmit mblodhën së bashku dhe shkëmbejnë në mënyrë të ngrohtë. Kjo gjë i sjell gëzim çdo pjesëmarrësi."

"Të gjitha qytetet janë të bukura"

Pothuaj të gjithë ambasadorët e kanë eksperiencën e turizmit në Kinë. "Kam vizituar Shangain, Guangzhoun, Hangzhoun, Wuhanin, Singjiangun, etj." tha ambasadori i Afganistanit Barlas dhe më tej tha: "Të gjitha qytetet kineze janë tërheqëse. Kina është një vend simpatik!"

Dashamirësia e popullit kinez u ka lënë përshtypjet më të mira ambasadorëve të huaj në Kinë. Pothuaj çdo njeri prej tyre i vlerëson kinezët, si sjellshëm dhe qytetëruar. Ambasadori i Kuvajtit Al-Ghais u shpreh në mënyrë të sinqertë: "Kina është një vend i madh. Ajo ka kulturë dhe popull të madh!" (Wang Lei)