Të dashur lexues, ju përshëndes përsëri në rubrikën "Fakte nga jeta". Ditët e fundit, gazeta angleze "Financial Times" publikoi listën e re të "drejtuesve të biznesit më me të respektuar në botë". Në këtë listë Zhang Ruimini renditet në vendin 26-të ndër 50 sipërmarrësve më të shkëlqyer në botë. Ai është i vetmi sipërmarrës kinez që renditet në këtë listë. Zhang Ruimini, u rendit për herë të parë në këtë listë në vitin 1999. 

                                           Punonjësit e Haierit janë krenar për këtë

Një punonjës i kësaj kompanie tregon se si një punonjës që punon në Haier ai është krenar për Zhang Ruiminin, që ka fituar këtë çmim dhe mendon se ky çmim është i lidhur ngushtë me Grupin Haier dhe të gjithë punonjësit e tij. Ai beson se të gjithë punonjësit në Haier janë krenarë për Zhang Ruiminin. 

                    Arsyeja e renditjes së Zhang-ut në këtë listë: Suksesi i zhvillimit të tregut jashtë shtetit

Funksionarët e qarqeve të biznesit a njerëzit e zakonshëm, dëshirojnë të dinë si e ka fituar këtë çmim. Por është për të ardhur keq që deri tani nuk janë publikuar kriteret e kësaj zgjedhjeje të sipërmarrësve.

Sipas funksionarëve përkatës të Haierit, vitet e fundit, suksesi i zhvillimit të tregut jashtë shtetit i kësaj kompanie është shkaku i fitimit të çmimit prej Haierit dhe Zhang Ruiminit.

Tani, ka 30 baza prodhimi jashtë shtetit dhe 22 kompani vendëse që varen nga kompania Haier. Në vitin 2004, vëllimi i eksportit, i prodhimit dhe i shitjes të produkteve të Haierit arriti në 2 miliardë dollarë amerikanë.

Gjatë 20 viteve, kompania Haier ka ndërtuar në përgjithësi baza prodhimi që zënë një sipërfaqe prej 5,33 kilometrash katrorë. Kjo sipërfaqe është tre herë më e madhe se sipërfaqja e Principatës së Monakos.

Sipas të dhënave statistikore, vëllimi i përgjithshëm i shitjes i Haierit në vitin 2004 arriti në 101,6 miliardë yuanë. Nga viti 1984 deri në vitin 2004, rritja mesatare në vit është 68%. Në vitin 1992, ky vëllim arriti në 1 miliardë yuanë. Në vitin 1998, arriti në 10 miliardë yuanë dhe në vitin 2004, arriti në 100 miliardë yuanë. 

                                                Menaxhimi: mënyrë e re zhvillimi

Tani Haier është një markë e famshme botërore, kështu që aftësia e menaxhimit dhe e kontrollit të tregut e Zhang Ruiminit vlerësohet shumë lart nga qarqet ndërkombëtare të menaxhimit.

Në vitin 2005, në bazë të rikrijimit të proçedurës së punës lidhur me tregun që ka zbatuar për 7 vjet, Zhang Ruimini krijoi një mënyrë të re zhvillimi që shfrytëzohet në të gjithë botën?lidhja e njerëzve dhe e formave të porositjes. Kjo mënyrë zhvillimi është po aq e mirë sa ajo e kompanisë TOYOTA dhe e kompanisë Dell.

"Lidhja e njerëzve dhe e formave të porositjes", do të thotë që çdo punonjës i ndërmarrjes ka një synim tregu dhe do ta realizojë këtë synim nëpërmjet përtëritjes.

Zhang Ruimini ka thënë se synimi i tij është të krijohet marka botërore që ka drejtat e njohurive. (U Sen)