Zeng Guoqiang është fituesi i medaljes së artë olimpike të peshëngritjes në Lojërat Olimpike të vitit 1984 dhe është kampioni i parë olimpik në peshëngritje i Kinës. Fitorja e kësaj medaljeje të artë ishte një fat, sepse gjatë garës finale, rezultati i Zeng Guoqiang-ut ishte i njëjtë si i shokut të tij Zhao Shunpei, por ai fitoi medaljen e artë për shkak se pesha e tij ishte 0.05 kg më pak se e Zhao Shunpei-t.

Zeng Guoqiang ka lindur në qytetin Dongguan të Kinës jugore. Kur ishte fëmijë, ai u ndikua shumë nga 3 peshëngritësit e njohur të familjes Chen, sepse njerëzit gjithmonë bisedonin për arritjet e tyre të shkëlqyera. Ai ishte i mendimit se një kampion botëror është shumë i nderuar dhe mund të fitojë shumë lavdërime nga të tjerët. Prandaj, ai i kishte zili ata që kishin fituar titullin kampion dhe e dëshironte shumë një titull të tillë botëror.

Kur ishte 9 vjeç, Zeng Guoqiang mori pjesë për herë të parë në spartakiadën e qytezës dhe fitoi 3 tituj kampion në peshëngritje. Pastaj, ai u pranua në një shkollë sportive, duke filluar stërvitjen profesioniste. 4 vjet më pas, trajneri i tij e rekomandoi Zeng Guoqiang në ekipin e peshëngritjes të provincës Guang Dong, por për shkak të moshës së re, ai u kthye në shkollë pas gjysmë viti.

Pasi u kthye në shkollë, Zeng Guoqiang nuk hoqi dorë dhe vazhdonte stërvitjen e përditshme duke harxhuar më shumë kohë në ushtrimin e teknikës. 6 muaj më pas, ai u pranua në ekipin e provincës dhe fitoi 3 medalje të arta në Kampionatin e peshëngritjes të Kinës për moshat e reja.

Në vitin 1983, Zeng Guoqiang hyri me sukses në kombëtaren e peshëngritjes të Kinës. Kur hyri në kombëtare, niveli i tij ishte më i ulëti i ekipit, prandaj Zeng Guoqiang i trajtonte stërvitjet e përditshme si garën zyrtare me shokët e tij dhe harxhonte dy herë e më shumë kohë se në të kaluarën. "Shpeshherë unë e mbaroj stërvitjen me vullnet", kështu tha Zeng Guoqiang.

Në shkurt të vitit 1984, Zeng Guoqiang dhe 2 shokë të tij u pranuan të vazhdojnë stërvitjen në Bashkimion Sovjetik. Pas një muaji, niveli i Zeng Guoqiang-ut u ngrit shumë shpejt dhe e kaloi nivelin e shokëve të tij. Në maj të vitit 1984, në kampionatin botëror të peshëngritjes, Zeng Guoqiang u radhit në vendet e para me rezultatin 237.5 kg, duke u kualifikuar për në Lojërat Olimpike të Los Anxhelosit.

Kur mori pjesë në Lojërat Olimpike, Zeng Guoqiang ishte vetëm 19 vjeçar. Krahas Zhao Shunpei-t, kishte edhe 2 peshëngritësit të fortë japonezë, prandaj Zeng Guoqiang nuk e imagjinonte kurrë që mund të fitonte medaljen e artë olimpike. Kur arriti në Los Anxhelos, njerëzit nuk besuan që ky njeri i shkurtër dhe i lehtë ishte një peshëngritës. Gjatë garës në stilin e shkëputjes, Zeng Guoqiang u radhit në vendin e 3-të me 105 kg. Më pas në stilin e shtytjes, Zeng Guoqiang mbaroi me sukses provën e parë me 130 kg, duke u radhitur përkohësisht në vendin e parë. Ndërsa 2 peshëngritësit japonezë nuk arritën ta mbarojnë provën e tyre me sukses. Kështu Zeng Peiqiang fitoi medaljen e artë të peshëngritjes me 235 kg.

Në vitin 1987, Zeng Guoqiang e mbylli karrierën e tij si peshëngritës dhe hyri në Universitetin e Pekinit. Ndërsa në vitin 1991, ai filloi karrierën e tij si trajner. Pas vitit 1995, studentët e tij filluan të arrijnë rezultate të mira brenda dhe jashtë Kinës.(Jiang Lei)