Çajtorja, edhe ekonomi, edhe kulturë

Një komentator i famshëm amerikan dikur nxorri një konkluzion klasik për filmat e Holliudit: Si një lloj arti, ato janë ekonomi; si një lloj ekonomie, ato janë art. Po të njohim dhe të vlerësojmë biznesin e çajtoreve të Hangzhout, duke u nisur nga karakteristikat e tyre të shumëfishta, mund të themi se, si një lloj ekonomie, çajtoret e Hangzhout përbëjnë kulturë dhe, si një lloj kulture, ato përbëjnë ekonomi. Në qoftë se përmendim disa degë të ekonomisë me karakteristika kulturore vendase të Hangzhout, çajtoret do të përfshihen absolutisht ndër to. Disa ekspertë kanë shprehur këtë mendim: "Çajtoret e Hangzhout kanë karakter të theksuar kulturor. Duke pirë çaj në një çajtore të Hangzhout, nuk kemi qëllim vetëm për të kënaqur shqisën tonë të të shijuarit".

Si është uji i një zone, ashtu është edhe çajtorja e saj

Në krahasim me çajtoret e "pushimit me muhabet" të provincës Siçuan, me çajtoret e "admirimit të pjesëve teatrale" të Pekinit, me çajtoret e "pushimit para drekës" të provincës Guangdong dhe me çajtoret e krahinave të tjera, çajtoret e Hangzhout u kushtojnë vëmendjen kryesisht gjetheve të famshme të çajit, ujit të famshëm të përgatitjes së çajit dhe ambientit me peizazh, prandaj ato shprehin ngjyrime romantike dhe poetike. Dhe kjo veçori kulturore e ekonomisë së çajtoreve të Hangzhout u duk qysh në fazën e tyre fillestare.

Kultura e çajtoreve të Hangzhout filloi në vitet e mesme të dinastisë Tang (618-907) dhe lulëzoi në vitet pas caktimit të Hangzhout si kryeqyteti i dinastisë Song Jugor (1127-1279). Kurse në kohën e dinastisë Qing (1616-1911) dhe në vitet e periudhës republikane (1912-1949), ishin hapur çajtore në tërë qytetin Hangzhou dhe në fshatrat përreth. Vetëm numri i çajtoreve të mëdha kishe arritur në 300 dhe pamja e lulëzuar nuk ishte aspak e dobët në krahasim me atë të sotme. Në ato vite, gëzonin famë sidomos çajtoret "San Ya Yuan" dhe "Ou Xiang Ju" në rrugën Yong-jinmen, çajtoret "Ya Yuan" dhe "Siyutai" në bregun e liqenit Sihu e të tjera. Çajtorja "Ou Xinng Ju" ishte e rrethuar nga tri anë me ujë të liqenit dhe e rrethuar me lule lotus në verë, prandaj klientët kënaqeshin duke soditur malet e largëta dhe ujërat përreth. Brennda çajtores, ishte varur në mur një antitezë, që është një gjini letrare kineze. Në të, ishin shkruar: "Liqeni Sihu krahasohet me vajzën Sishi; çaji i famshëm kundërmon si bukuroshet ".

Ndjenjat e poezisë idilike, karakteri natyral

Çajtoret e Hangzhout të kohës sonë janë mbushur me ndjenja kulturore. Përballë konkurrencës së ashprër në tregun e sotëm, disa biznesmenë përpiqen të tregojnë synimet e tyre për shije kulturore ndërkohë kur shtrydhin trutë për të fituar sa më shumë para.

Në çajtoren "Taiji Çajdao", të gjitha pllakat, parmakët, tryezat dhe karriget janë prej druri dhe janë lënë pa u lyer me bojëra, me qëllim që ato të tregojnë vetinë e vet natyrale para klientëve. Padroni i kësaj çajtoreje, zoti Zheng Çunhui thotë: "Çaji le të kundërmojë dhe të lëshojë një aromë të hollë në një ambient plotësisht natyral. " Kurse në sallën e çajtores së tij, muri është zbukuruar me letër, ku ka piktura të librave të lashtë; tryezat janë bërë prej qelqi dhe druri që përdoreshin në kohën e dinastisë Qing për të bërë rrota të qerreve të kuajve; karriget janë bërë duke imituar ato të dinastisë Ming dhe ato të drurit të kuq dhe me vizatime të luleve lotus të dinastisë Qing; ka edhe tavolina të vogla këmbëshkurtra të dinastisë Qing dhe sende të tjera të lashta dhe enë të ndryshme prej porcelani, prej argjendi, me lule të gdhendura në dru etj. Një çajtore tjetër, çajtorja Ziyu, është zbukuruar me gjethe të gjelbra të bimëve dhe tregon një pamje natyrale siç përshkruhet në poezi idilike. Në disa çajtore me famë, klientët mund të marrin njohuri të vlerësimit të çajit, të vizitojnë enë të ndryshme të çajit dhe të admirojnë shfaqjet e Çaj-daos, që do të thotë mënyra e përdorimit të çajit.

Ushqime shoqëruese të shijeve kineze dhe perëndimore

Larmia e ushqimeve të shoqërimit të çajit në çajtoret e Hangzhout mahnit kolegët në krahina të tjera. Në to ka ushqime të shumëllojshme të shoqërimit të çajit, si fruta të ndryshme të thara, pije të ftohta, ëmbëlsira dhe gjellë të ndryshme me karakteristika vendase, bile ka ushqime të shsijeve kineze dhe perëndimore. Ndërkohë kur përdoren si ushqime, këto gjëra luajnë edhe një rol kulturor. Në këto çajtore ka kameriere të posaçme që u shërbejnë klientëve me ëmbëlsira dhe gjellë karakteristike. Për të tërhequr sa më shumë klientë, disa çajtore i kushtojnë vëmendje edhe gjurmimit të gustos së tyre. Sot ushqimet e shoqërimit të çajit janë përmbajtje e rëndësishme e biznesit të çajtoreve të Hanzhzout.

Duke iu përgjigjur kërkesave të qytetarëve, të cilët synojnë për pushim të rehatshëm pas punës në mes të lëvizjes dhe zhurmave të makinave midis ndërtesave betonarmeje, çajtoret me ngjyrime kulturore të Hangzhout janë bërë lokale të dëshirueshme, ku ata bëjnë pushim të shkurtër, takohen me miqtë dhe qetësojnë shpirtin e vet.

Sipas të dhënave të përafërta, vëllimi vjetor i biznesit të çajtoreve të qytetit Hangzhou arrin në 600 milionë juanë. Turistët nga krahina të tjera, duke provuar shijen dhe duke nuhatur aromën e çajit të famshëm të Hangzhout, e ndiejnë veten e tyre të afruar kulturës së çajit.(Zheng)