Në "qytetin e mallrave të vogla", përqendrohen biznesmanë të shumë vendeve

Kudo në qytetin Yivu, në "qytetin kinez të mallrave të vogla", në "qytetin e tregtisë ndërkombëtare" apo në "tregun Huang-yuan" dhe "tregun Binvang", në mes të mizërisë së njerëzve, ne shohim njerëz të ndryshëm që flasin në gjuhët anglishte, gjermanishte, rusishte, koreane etj. Ata herë zgjedhin me kujdes mallrat, herë demonstrojnë zgjuarësinë e vet duke bërë pazar me padronët për çmimet e mallrave. Për arsye se tregu i këtushëm është në lulëzim dhe për hatër të fitimeve të veta, këta bisnesmanë të huaj e duan shumë qytetin Yivu.

Në zyrën e qendrës së tregtisë ndërkombëtare, që gjendet në katin e 6-të, tregtari palestinez Halid Ali tha i gëzuar se kompania e tij e tregtisë së jashtme transporton çdo muaj 50-60 konteineire të mallrave të vogla për në Palestinë dhe vende të tjera të Lindjes së Mesme. Halid Aliu punon 12 orë në ditë për të kontrolluar mallrat, duke shkuar dhe ardhur midis selisë së kompanisë së tij dhe barakave të mallrave. Sot, numri i tregtarëve arabë në qytetin Yivu ka kaluar 4000 vetat.

Duke folur për përshtypjet që i dha atij qyteti Yivu, tregtari palestinez Mir, që është vendosur në rrugën Gjangdong, tha me gëzim: "Kudo në qytetin Yivu, në treg, në agjencinë e doganës dhe në lagja të banorëve, punojnë një armatë përkthyesish të shumë gjuhëve. Ushqimet këtu janë të larmishme: ushqime islamike, gjellë koreane dhe japoneze. Tregu i këtushëm na jep një shans zhvillimi."

Një fond prej 5 miliardë juanësh themeloi "tregun e parë kinez"

Pas 20 vjet përpjekjesh këmbëngulëse të banorëve të Yivusë për zhvillim, sipërfaqja e tregut të qytetit Yivu është zgjeruar deri në 26 milionë metra katrore; numri i pavioneve të tregtimit është shtuar në 50 mijë; numri i punonjësve të tregtisë ka arritur në 200 mijë veta dhe mallrat janë shtuar në 320 mijë lloje të 1520 degëve të industrisë. Qyteti Yivu investoi 500 milionë juanë për shtimin e pajisjeve për tregtinë ndërkombëtare. Sot, komionet dhe makinat e ndrysme, që vijnë për të transportuar mallrat, mund të arrijnë në katin e 4-të dhe të 5-të të godinës së tregut; gjithçka në qytetin Yivu, si ashensorët, ndriçimet, ushqimet dhe kushtet e fjetjes, përputhen me standardet ndërkombëtare. Yivu është i denjë të quhet "Tregu i parë kinez".

Më parë, në "qytetin e tregtisë ndërkombëtare " të Yivusë zbatohej modeli tradicional i tregtimit, që përmblidhej në tri parime: "me para në dorë; pazarllëku aty për aty; dorëzimi i mallrave të gatshëm". Kurse tani është kthyer në modelin e ri: "tregti ndërkombëtare; shërbime me kompyter; marrëveshje të porositjes së mallrave; nxjerrja në pah e mallarave; qarkullimi modern i mallrave ". Janë përsosur nga dita në ditë sistemet e modernizuara të shërbimeve dhe të administrimit dhe është rritur shumë rendimenti i punës.

Në "Qytetin e tregtisë ndërkombëtare" të Yivusë është realizuar në mënyrë të gjithanshme edhe shfrytëzimi i internetit të bandës së gjerë; mbi 60% i pavioneve të tregtimit bëjnë tregti nëpërmjet internetit; ka filluar transmetimi i programeve televizive nëpërmjet internetit. Sot 8 prej 20 ndërmarrjeve më të fuqishme të transportit detare të botës kanë hapur zyrën e vet administrative në qytetin Yivu. Zyra administrative e doganës e qyetit Yivu, që u hap në vitin 2002, ka realizuar shërbimet unike të doganës. 4 kompanitë profesioniste të transportit të qytetit Yivu kanë filluar transportimin direkt të mallrave për në 260 qytete të mëdha dhe të mesme të mbarë vendit, kanë pajtuar 5 trena të posaçme dhe 20 linja të transportit ajror për transportimin e mallrave të Yivusë.

Ndërmarrja e madhe që lindi nga mallrat e vogla

Korporata Langsha e prodhimit të çorapëve është bërë sot një ndërmarrje shumë e madhe, që disponon 3000 komplete pajisjesh të përparuara të importuara nga SHBA, Japonia, Italia dhe vende të tjera dhe që gëzon famë në mbarë Kinë. Por ajo filloi të zhvillohet 9 vjet më parë mbi bazën e një punishteje të vogël të qëndisjes, duke marrë përsipër detyrën për përpunimin e materialeve të çorapëve me dy makina qëndisjeje. Tani, kjo ndërmarrje prodhon çdo vit 200 milionë palë çorapë të 300 dizenjove të 30 llojeve. Ajo jo vetëm ka hapur dyqane të posaçme të shitjes në qytet dhe fshat të mbarë vendit, por edhe ka regjistruar marka mallrash në SHBA, Rusi, Japoni dhe vende të tjera dhe ka hapur filialet e saj jashtë vendit. Korporata Langsha është zhvilluar në saje të ambientit të mirë të tregut të mallrave të vogla të qytetit Yivu dhe 70% i produkteve të saj shiten në tregun e Yivusë. Prandaj, qyteti Yivu është quajtur "qytet i ndërtuar në treg".(Zheng)