dëgjoni

Zona e shfrytëzimit ekonomiko-teknologjik Nancang të provincës Jiangxi të Kinës qendrore është një zonë e rëndësishme e zhvillimit ekonomik të kësaj province. Tani, kjo zonë po zhvillon bashkëpunim në fushën e transportit me provincat bregdetare fqinje për të gjetur rrugë të reja për nxitjen e zhvillimit të vet ekonomik. Duke folur për gjendjen e një ndërmarrjeje të transportit, nënkryetarja e komitetit të administrimit të zonës së shfrytëzimit, zj. Deng Ynhui tha se

"Ne nuk kemi dalje në det. Gjatë 2 vjetëve të fundit, administrata e qytetit Nancang ka parashtruar konceptin e portit pa ujë, duke nënkuptuar krijimin e një kanali të shpejtë dhe të lirë të daljes në det, në mënyrë që të zgjerohen kushtet e favorshme të kalimit doganor të qyteteve bregdetare me drejtim të qyteteve kontinentale nëpërmjet krijimit të transportit të përbashkët me Shenzhenin, Xiamenin, Ningbonë dhe Shangain.

Kjo formë e bashkëpunimit ekonomik e kësaj zone të shfrytëzimit po përhahet gradualisht në mbarë provincën Jiangxi, që është e vetmjaprovincë në Kinë fqinjë me deltën e Lumit Jance dhe me deltën e Lumit Zhujiang me një ekonomi relativisht të zhvilluar. Krahas zhvillimit ekonomik të zonave të zhvilluara dhe krahas shkallëzimit e koordinimit të strukturës industriale, provinca Jiangxi ka kapur fort këtë rast dhe ka shfrytëzuar burimet natyrore, duke marrë aktivisht formën e një industrie të transferuar nga provincat me ekonomi relativisht të zhvilluar, për zhvillimin e ekonomisë së provincës së vet.

Metoda e provincës Jiangxi është edhe një mendim bazë i provincave të ndryshme të krahinave qendrore të Kinës për zhvillimin e ekonomisë së tyre. Krahinat qendrore të Kinës përfshijnë provincat Shanxi, Hupei, Hunan, Anhui dhe Jiangxi. Përveç provincës Hupei, të tjerat janë të lidhura me provincat bregdetare.

Qysh nga viti 2004, provincat e ndryshme të krahinave qendrore të Kinës kanë shpejtuar përkatësisht bashkëpunimin ekonomik me zonat e zhvilluara bregdetare dhe kanë forcuar gjithashtu bashkëpunimin ekonomik midis tyre gjatë zhvillimit të ekonomisë.

Duke folur për metodat përkatëse të provincës Jiangxi, kryetari i kësaj province, z. Huang Zhiquan tha se gjatë procesit të zhvillimit, bashkëpunimi industrial midis Jiangxisë dhe provincave të tjera të krahinave qendrore të Kinës është një anë e rëndësishme.

"Në fushën bujqësore, përfshihet ndërtimi i infrastrukturës bujqësore etj, lidhjet dhe kontaktet me provincat Hunan dhe Hupei janë shumë të ngushta. Në energji, 50% e furnizimit me qymyrgur të provincës Jiangxi mbështetet e sigurohet nga provincat Anhui, Shanxi dhe Hënan. Ndërsa shumë lëndë të para nga Jiangxia sigurohen nga Jiangxi.

Tani, gjatë procesit të zhvillimit ekonomik, provincat e ndryshme të krahinave qendrore i kanë kushtuar vëmendje edhe ngritjes së potencialit të tyre të konkurencës. Gjatë një periudhe të gjatë, krahinat qendrore kanë qenë bazë e rëndësishme industriale, bujqësore dhe energjetike e Kinës. Vetëm vitet e fundit, zhvillimi ekonomik i provincave të Kinës qendrore është bërë relativisht i prapambetur.

Krahas forcimit të shfrytëzimit të krahinave perëndimore dhe verilindore të Kinës, krahinat qendrore të Kinës do të luajnë edhe një rol të rëndësishëm në nxitjen e bashkëpunimit ekonimik midis lindjes e perëndimit dhe midis jugut e veriut.

(Sihai)