Dëgjoni 

Të dashur lexues, po dëgjoni melodinë "Fantazia e Karmenit", të interpretuar nga Huang Hë. Karmen është një operë për jetën e magjypëve në Spanjë. Violinisti i njohur spanjoll, Sarasate përpunoi ato fragmente të kësaj vepre me karakteristika të theksuara spanjolle në melodinë "Fantazia e Karmenit" në përputhje me mënyrën e interpretimit me violinë. Nëpërmjet përshtatjes së bërë nga muzikanti kinez Huang Hë, kjo melodi mund të interpretohet tani edhe me instrumentin muzikor kinez Yang Çin.

Yang Çin është një lloj vegle muzikore tradicionale kineze me tela, e cili ka një histori prej më shumë se 400 vjetësh. Huang Hë u pranua në vitin 1977 në Konservatorin Qendror të Kinës. Si një interpretues i shkëlqyer i Yang Çinit, ai po punon në këtë konservator si profesor i degës së muzikës tradicionale kineze. Interpretimi i tij plot mjeshtëri dhe pasion mundëson përcjelljen si duhet të ndjenjave që kompozitorët dëshirojnë të shprehin në veprat e tyre.

Dëgjoni

Të dashur lexues, po dëgjoni një melodi të interpretuar nga Huang Hë me Yang Çinin. Kjo vepër e përpunuar për solo me violinë e kompozitorit francez Monti përbëhet nga dy pjesë.

Gjatë karierës së tij shumëvjeçare muzikore, Huang Hë ka fituar një numër të madh çimimesh në konkurse të rëndësishme të interpretimit me vegla muzikore tradicionale kineze dhe ka dhënë shumë koncerte solo në Japoni, Gjermani si dhe vende të tjera. Disa vepra të kompozuara nga ai për interpretimin solo me Yang Çin priten mirë nga dëgjuesit dhe adhuruesit e muzikës. Përveç këtyre, ai shpesh jep koncerte në SHBA, Angli, Japoni dhe vende e rajone të ndryshme të botës si përfaqësues i muzikantëve kinezë. Dirigjenti i njohur japonez, Ozawa Seiji e vlerëson Huang Hë-në si "Një talent në interpretimin me Yang Çinit". Në fund të këtij programi, ju ftojmë të ndiqni melodinë "Czardas" të interpretuar nga Huang Hë me Yang Çin. Czardasi është një lloj vallëzimi popullor hungarez. Kjo melodi është vepër e kompozitorit dhe violinisti italian Saens. (Çan Yean)