Kur në nëntor të vitit 2004, ekipi kombëtar kinez i futbollit nuk fitoi të drejtën për pjesëmarrje në Kampionatin Botëror të Futbollit të Gjermanisë të vitit 2006, media dhe tifozët e kritikuan ashpër këtë ekip. Në janar të këtij viti, Shoqata e Futbollit e Kinës e emëroi trajnerin e klubit të futbollit të Shenzhenit Zhu Guanghu si trajneri i ri i ekipit kombëtar kinez të futbollit.

Në vitin 2004, 55-vjeçari Zhu Guanghu drejtoi ekipin e Shenzhenit dhe fitoi titullin e kampionit të ligës kombëtare të futbollit. Pasi u bë trajneri i ekipit kombëtar, Zhu Guanghu u shpreh se ai do t'i sjellë këtij ekipi një pamje të re dhe do të krijojë stilin e vet të ekipit kinez.

Më 27 mars të këtij viti, Zhu Guanghu pati ndeshjen e parë zyrtare me ekipin spanjoll. Megjithëse ekipi kinez e humbi ndeshjen me rezultatin 0 me 3, futbollistët kinezë luan aktivisht në fushën e lojës. Pas 3 ditëve, ekipi kinez zhvilloi ndeshje me ekipin tjetër të fuqishëm evropian ? ekipin e Irlandës. Ekipi kinez humbi përsëri me rezultatin 0 me 1, por media irlandeze dhe kineze e vlerësuan lart paraqitjen e ekipit kinez.

Gazetari i famshëm sportiv Dong Lu është i mendimit se Zhu Guanghu ka mendimet dhe stilin e disa trajnerëve perëndimorë. Dong Lu tha:

"Ai ka qenë në vende të fuqishme të futbollit në Evropë dhe në Amerikën Jugore për studime dhe ka pranuar shumë mendime të përparuara të futbollit të vendeve të huaja. Ai njeh plotësisht gjendjen e zhvillimit të futbollit në Kinë dhe gjendjen e futbollistëve vendës. Jam i mendimit se ai ka aftësi ta ngrejë nivelin e ekipit kinez."

Në kampionatin e futbollit të 4 vendeve me skuadra të forta të Azisë Lindore të zhvilluar nga 31 korriku deri më 3 gusht në Republikën e Koresë, ekipi kinez i futbollit fitoi titullin e kampionit me dy barazime dhe një fitore. Ky është titulli i parë kampion i ekipit kinez në garat ndërkombëtare. Në këtë kampionat, ekipi kinez demonstroi besim të fortë dhe aftësinë e kontrollit të ndeshjes, edhe futbollistët luajtën me qëndrueshmëri.

Në fillim të nëntorit, ekipi kinez i futbollit fitoi titullin e kampionit të Lojërave të 4-ta të Azisë Lindore. Kjo është hera e parë që ekipi kinez i futbollit fiton medaljen e artë në lojërat e përgjithshme. Zhu Ganghu tha:

"Duke parë ndeshjet e fundit, është përsosur në përgjithësi taktika jonë, mbrojtja organizohet mirë. Në bazë të mbrojtjes, do të ngremë më tej aftësinë sulmuese."

Futbollistët e ekipit kinez i kanë ndier ndryshimet e sjella nga trajneri Zhu Guanghu. Futbollisti Xu Yunlong tha:

"Sipas gjendjes aktuale, trajneri Zhu na kërkon të forcojmë së pari mbrojtjen, pastaj të organizojmë sulmin. Mendoj se kjo është një mënyrë e mirë për ne."

Zhu Guanghu po zbaton gradualisht projektin e vet për ta ngritur nivelin e ekipit kinez të futbollit. (Fani)