Në fund të gushtit, pas dëmtimit të Bufonit, Milani huazoi te Juventusi Abiatin. Pak muaj më vonë, klubi bardhezi mund t'u kthejë "reston" kuqezinjve, duke dërguar në Milano Xhonatan Zebinanë. Mbrojtësi francez, sipas disa burimeve, ka mosmarrëveshje me klubin bardhezi dhe zgjedhja "Milan" mund ta kënaqë jo pak: duke mos qenë i regjistruar nga Kapelo në listën e lojtarëve të Ligës së Kampioneve, Zebina mund të jetë i vlefshëm për trajnerin Ançeloti në Europë. Që në 2004-ën, emri i Zebinasë ndodhej në bllokun e Galianit (dhe të Interit), por ish-futbollisti i Romës parapëlqeu të ndjekë Kapelon në aventurën juventine. (Nga Shekulli)