dëgjoni

Duke folur për boksin, njerëzit e kanë të vështirë ta lidhin atë me kinezët. Është e vërtetë që në këtë sport të monopolizuar nga lojtarët evorpianë dhe amerikanë, asnjë kinez nuk është shpallur kampion botëror në të kaluarën. Por ditët e fundit, ky fakt hyri në histori.

Më 20 nëntor 2005, në ditën e fundit të Kampionatit të 13-të Botëror të Boksit, që u zhvillua në qytetin Mianyang të Kinës jug-perëndimore, lojtari kinez Zou Shiming mundi boksierin hungarez Pal Bedak dhe u shpall kampion në peshën 48 kilogram. Ky është kompioni i parë botëror i Kinës në boks. Pas ndeshjes, Zou Shiming, i emocionuar shumë, ra në gjunj dhe puthi platenë e boksimit.

Nënkryetari i Komitetit Olimpik të Kinës, Cui Dalin tha:

"Në këtë ndeshje, Zou Shiming demonstroi plotësisht nivelin e duhur si dhe stilin e vet dhe fitoi me epërsi relativisht të madhe ndaj kundërshtarëve. Ky përparim i tij shton edhe besimin e qarqeve të boksit kinez për rezultate të mira në Lojërat Olimpike 2008."

Në Kampionatin e 13-të Botëror të Boksit morën pjesë mbi 400 lojtarë nga mbi 70 vende e rajone të botës, ndër të cilat, Kuba, Rusia dhe Azerbaixhani dërguan skuadra me elementët më të fuqishëm. Gjatë procesit të shpalljes kampion, Zou Shiming fitoi ndaj shumë rivalëve të fortë, duke përfshirë këtu boksierin e famshëm kubanez, Valera, kampion të peshës 48 kilogram në Lojërat Olimpike të Athinës. Prandaj, titulli kampion i Zou-ut flet për një potencial të vërtetë.

Në fakt qysh nga viti 2003 skuadra e boksit e Kinës ka filuar të shfaqë prirjen e dukshme të rritjes në ndeshje ndërkobmëtare. Në Kampionatin Botëror të vitit 2003 në Tajlandë, Zou Shiming fitoi medaljen e argjendtë në peshën 48 kilogram. Vitin e kaluar, në Lojërat Olimpike të Athinës, Zou fitoi medaljen e broztë në këtë peshë, ndërsa një tjetër boksier kinez, Lei Yuping u radhit në vendin e 5-të në peshën 81 kilogram.

Personalitetet e qarqeve botërore të boksit dhe gazetarët e vendeve të ndryshme, që morën pjesë në këtë kampionat, pohuan njëzëri përparimet e Kinës dhe ishin të një mendimi se boksi kinez ka ardhmëni të mirë. Komentuesi veteran i Kompanisë KOTV, kompani më e famshme për prodhimin e programeve televizive të boksit në botë, z. David MkKonaçie i tha korrespondentit të radios së sonë:

"Më 2003, kur Zou Shiming fitoi medaljen e argjendtë në kampionatin e Tajlandës, u ndërgjegjesova se kinezët do të futen bindshëm në skenën botërore të boksit. Në këtë kampionat, krahas Zou-ut, sheh edhe Zhang Zhilei-n, që zuri vendin e 5-të në peshën mbi 91 kilogram. Me Zou Shiming në peshë më të lehtë dhe me Zhang Zhilei -n në peshë më të rëndë, na është krijuar bindja e thellë se Kina me siguri do të përgatitë një brez boksierësh të nivelit të lartë botëror."

Përparimet e boksit kinez lidhen me kërkimet e paepura të trajnerëve kinezë në rregullat e lëvizjeve në sportin e boksit. Më 2001, qarqet e boksit të Kinës ngritën problemin se boksi kinez duhet të bëjë kërkime në anën teknike për të përshtatur stilin e boksimit me karakteristikat e kinezëve. Kryetari i Shoqatës së Boksit të Kinës, z. Chang Jianping tha se shumë njerëz janë të mendimit se aziatikët nuk janë të përshtatshëm për boksin, por kjo nuk është e vërtetë. Në sportin e boksit, lojtarët konkurrojnë më shumë nga ana teknike dhe e zgjuarsisl se sa me trupin dhe forcën.

Zou Shiming, vetëm 162 cm i gjatë, arriti sukses duke u mbështetur te lëvizjet e shkathëta dhe teknika e zhdërvjellët. Trajneri kryesor i skuadrës së boksit të Kinës, Zhang Chuanliang tha se suksesi i Zou-ut në peshën 48 kilogram e bën të besojë se Kina ka shpresë të fitojë medalje ari në Lojërat Olimpike të Pekinit. (Wang Lei)