Megjithëse Shye Vei ka program të ngjeshur, vitet e fundit, ai shpesh gjen kohë për të marrë pjesë në disa konkurse ndërkombëtare të violinës si anëtar jurie, për shembull, në vitin 2002 ai u angazhua me punën e vlerësimit në Konkursin e 4-t Ndërkombëtar të Violinës për të rinj "Çajkovski".

Dëgjoni 

Të dashur lexues, po dëgjoni "Melodinë Nostalgjike për vendlindjen" të interpretuar nga Shye Vei. Nëpërmjet muzikës së rrjedhshme e ritmeve të ngadalta, në këtë melodi tregohet malli i njerëzve për vendlindjen e tyre. Kjo është një ndër meloditë më të pëlqyera nga Shye Vei sepse kjo melodi e ka shoqëruar atë kur vazhdonte studimet e mëtejshme jashtë vendit. Kur Shye kishte mall për atdheun, ai shpesh luante këtë melodi për të shprehur ndjenjat e tij.

Gjatë këtyre 20 vjetëve, Shye Vei ka regjistruar shumë disqe, disa ndër të cilat kanë fituar "Çmimin e Diskut Klasik" në Angli si dhe çmime të tjera në qarqe muzikore të vendeve të ndryshme. Deri më sot, Shye Vei është violinisti kinez që ka regjistruar dhe ka nxjerrë në qarkullim më shumë disqe. Tani, ju ftojmë të shijoni një melodi nga albumi "Saint-Saens" i regjistruar ditët e fundit nga Shye Vei. Saint-Saens është një kompozitor francez dhe kjo vepër është kompozuar në vitin 1963. Kjo melodi përbëhet nga hyrja e pjesa kryesore. Hyrja e saj është plot me karakteristika të melodisë së vallëzimit spanjoll.

Dëgjoni

Në vitin 2004, me ftesën e Konservatorit Qendror të Kinës, Shye Vei, që ka banuar shumë vjet jashtë vendit, u kthye në atdhe dhe u bë profesor në degën e orkestrës të këtij konservatori. Ai dëshiron që nëpërmjet mësimdhënies, të mund t'u japë studentëve më shumë përvojë dhe mjeshtëri të fituara nga ai gjatë interpretimit shumëvjeçar, në mënyrë që të kultivojë për atdheun më shumë talente në fushën muzikore. Në fund të programit të sotëm, ju ftojmë të shijoni melodinë kineze "Mëngjesi në malet e kombësisë Miao" të interpretuar nga Shye Vei. Kombësia Miao është një pakicë kombëtare kineze që banon kryesisht në pjesë jugperëndimore të Kinës. Malet ku banon kjo popullsi janë pyllëzuar me pemë shumë të gjata dhe panorama e atjeshme është shumë të bukur, prandaj, në historinë e gjatë të kësaj kombësie, banorët Miao kanë kompozuar shumë melodi dhe këngë me karakteristika të malësisë për të treguar dashurinë e tyre ndaj vendlindjes e lumturinë e tyre për jetën e ndritur. Ndiqeni!

Dëgjoni (Çan Yean)