Korrespondenti i Agjencisë Zhongxin të Kinës njoftoi më l3 nëntor, se bukuroshet e l06 vendeve e rajoneve të botës u mblodhen më l3 nëntor në qytetin Sanya të Kinës jugore për të marrë pjesë në konkursin final të Misit botëror të edicionit të 55-të. Marrin pjesë për konkurrimin e Misit botëror 3 bukuroshe nga krahinat e brendshme , Honkongu dhe Tajvani i Kinës.

Sivjet është hera e tretë që po organizohet në qytetin Sanya të Hananit të Kinës jugore konkursi final i bukurisë femërore të botës. Këto bukuroshe do të organizojnë një muaj aktivitete të ndryshme në provincën Hajnan dhe në disa qytete të Kinës.

Tema kryesore e konkursit të këtij viti për Mis Botën është " Përqëndrimi i vemendjes së botës tek Kina, Hajnani dhe Sanya". Ato do të shkojnë për demonstrime dhe aktivitete të bamirësisë në qytetin Wenzhou, do të takohen me nxënësit e studentët e Tiencinit dhe do të marrin pjesë në aktivitetet e kontributit në ditën botërore të kujdesjes së botës për sëmundjen e Sidës.

Më se l00 bukuroshe do të ndahen në 6 grupe rajonale, si në grupet e Evropës, Afrikës, Azisë, Oqeanisë, të detit të Karaibeve dhe të Amerikës etj. Rubrika televizive "Bukurushja e botës do të përcaktohet nga ju" do të transmetohet në 6 kanale televizive.

l5 bukuroshet e para do të zgjidhen nga teleshikues nga e gjithë bota dhe këtu do të merren parasysh edhe vlerësimet e jurisë. Dy nga ish-Miset e Botës do të jenë anëtare të jurisë.

Misi kinez që merr pjesë në konkursin final quhet Zhao Tingting, nga provinca Shansi e Kinës. Ajo është l8 vjeçe dhe po studion tani në Institutin Kinematografik të Pekinit.

Aktivitetet e vlerësimit të "Mis Botës" pas 55 vjetësh janë bërë konkursi me përpjesëtimet më të mëdha dhe fokusi i publikut botëror.

Në vitin 2001, Kina mori pjesë për herë të parë në konkursin "Mis Bota". Në vitin 2003, u organizua për herë të parë në Kinë edicioni i 53-të i Konkursit final të "Mis Botës". Mbrëmja madhështore e konkursit final të "Mis Botës" u zhvillua në qytetin Sanya të Kinës jugore. Ajo u transmetua drejtpërsëdrejti për 2 miliardë teleshikues të mbarë botës, dhe u konsiderua si një " shenje tjetër e reformës dhe hapjes së Kinës".

Siç mësohet, në konkursin e sivjetëm "mençuria e talenti do të vihen në plan të parë". Kandidatet kineze që morën pjesë në konkurrimin për " Mis Botën" ishin me nivel më të lartë nga ana e inteligjencës. Ndër to, shumë janë studente dhe aspirante të shkollave të larta. (Zhai)