Anija kozmike " Shenxhou Nr.6" e Kinës, që tërhoqi vëmendjen e të gjithë botës, është e pajisur me disa pompa hidraulike të prodhuara nga Kompania e Industrisë së Aviacionit e Guixhout të Kinës. Këto pompa hidraulike janë pjesë thelbësore të sistemit të komandimit të pajisjeve kozmike dhe cilësia e tyre ka kaluar standardet ushtarake të vendeve të zhvilluara të botës. Me këto pompa hidraulike janë pajisur aeroplanët, raketat dhe pajisje të tjera të aviacionit, të prodhuara nga Kina.

Shefi i Qendrës teknologjike të Kompanisë së Industrisë së Aviacionit të Guixhout, Pej Kuochan tha: Më parë ne importonim vetëm teknologji të vendeve të tjera të botës, por vendet e zhvilluara e refuzuan eksportimin e teknologjive të larta në Kinë. Tani ne shpikim vetë. Megjithëse kjo rrugë është e vështirë, ajo është e domosdoshme.

Sot, produktet e kësaj kompanie kanë forcë të madhe konkurruese në treg. Kjo kompani ka tani 150 patenta dhe çdo vit shpiken produkte dhe teknologji të reja dhe të larta.

Për të ngritur nivelin e eksperimentimeve shkencore, Kompania e Industrisë së Aviacionit e Guixhout bashkëpunon edhe me shkolla të larta dhe institucione studimore shkencore brenda e jashtë vendit.

Zoti Pejkuochan tha: Kemi fituar shumë nga shpikjet e pavarura, por nuk harrojmë se kemi ende disnivel në krahasim me nivelin e përparuar botëror. Prandaj, duhet të vazhdojmë përpjekjet për të arritur përparime të reja në prodhimin e motorëve të aeroplanëve dhe të pjesëve të këmbimit të automobilave. ( zhang )