dëgjoni

Më 11 nëntor, me rastin e 1000 ditëve të mbetura nga hapja e Lojërave Olimpike të Pekinit 2008, u zbulua në Pekin shamia misterioze mbi maskotin e këtyre lojërave. Ky përbëhet nga një sërë figurash, që janë 5 kukulla që përfaqësojnë peshkun, pandën, antilopën tibetiane, dallëndyshen pekinase dhe zjarrin e shenjtë olimpik.

Këto 5 figura quhen në përgjithësi "kukullat e fatmirësisë", ndërsa secila prej tyre ka emrin e vet. Kukulla me figurën e peshkut quhet "Beibei", ajo e pandës quhet "Jingjing", ajo e zjarrit të shenjtë olimpik quhet "Huanhuan", ajo e antilopës tibetiane quhet "Yingying" dhe ajo e dallëndyshes quhet "Nini". Shqiptimi me radhë i emrave të tyre formon fjalinë "Pekini të mirëpret". Kukullat kanë karakteristika të theksuara kineze dhe ngjyrat e tyre përputhen me ngjyrat e 5 rrathëve olimpikë.

Maskotët e Lojërave Olimpike të Pekinit përqëndrojnë përpjekjet e shumë artistëve dhe përfaqësuesve të qarqeve të ndryshme të Kinës dhe janë kristalizim i mençurisë kolektive. 

Më 5 gusht 2004, Komiteti Organizativ i Lojërave Olimpike të Pekinit filloi të mblidhte figurat e maskotit të Lojërave Olimpike 2008 në mbarë botën. Më 1 dhjetor i atij viti, kur mbaroi aktiviteti i mbledhjes, u morën 662 vepra të vlefshme brenda e jashtë Kinës. Pas vlerësimit të këtyre veprave nga specialistët e dalluar të qarqeve artistike dhe kulturore, panda, tigri, dragoi, majmuni, daullja me zile dhe djali i fatmirësisë u përcaktuan si figurat kandidate për maskotin e Lojërave Olimpike të Pekinit.

Më 11 mars 2005, 9 specialistë në artin zejtarisë, kartonit me tri përmasa dhe në prodhimin e lodrave formuan një grup për projektimin e maskotit. Piktori i famshëm Han Meilin u ngarkua si drejtues i këtij grupi. Gjatë procesit të projektimit, specialistët ndjenë se një figurë e vetme është vështirë të pasqyrojë kulturën kineze me një histori të shkëlqyer mbi 5 mijë vjeçare, prandaj ata u përpoqën të thyenin kufizimet në projektimin e maskotëve olimpikë, duke kërkuar një mendim të ri që bashkon kulturën kineze me frymën olimpike.

Zoti Han Meilin tha se në këtë bazë, u krijua mendimi për "kukullat kineze të fatmirësisë" me figurat të zjarrit të shenjtë, të pandës, të peshkut, të antilopës tibetiane dhe të dragoit, që mishërojnë idenë e lashtë filozofike të Kinës me harmonizimin midis njeriut dhe natyrës dhe që karakterizohen nga 5 ngjyrat e rrathëve olimpikë.

Më 29 prill 2005, Komiteti Organizativ i Lojërave Olimpike shqyrtoi projektin e maskotëve olimpikë të Pekinit. Pjesëmarrësit ishin të mendimit se koncepti "kukullat kineze" mishëron karakteristikën kineze. Kjo sërë figurash, në përfaqësim të kulturës kineze, mund të plotësojë shpresat e qarqeve të ndryshme. Por duke marrë parasysh diferencat e vendeve të ndryshme në njohjen e dragoit, komiteti propozoi që ta zëvendësojë atë me figurën e zogut.

Në bazë të këtyre propozimeve, Han Meilin paraqiti projektin e rishikimit, që të zëvendësojë figurën e dragoit me figurën e dallëndyshes pekinase në balonat kineze. Kështu u përgatitën figurat e maskotëve të Lojërave Olimpike të Pekinit. Zjarri i shenjtë olimpik përfaqëson pasionin, panda e ardhur nga pylli përfaqëson gëzimin, peshku i ardhur nga lumi dhe deti përfaqëson lulëzimin, lopa tibetiane e ardhur nga stepa përfaqëson shëndetin, ndërsa dallëndyshja pekinas e ardhur nga qeilli përfaqëson këmbëmbarësinë. Figurat e kukullave të fatmirësisë pasqyrohen me artin tradicional kinez.

Kryetari i Komitetit Olimpik Ndërkombëtar shprehu vlërësimin nga zemra për këta maskotë. Në letrën e urimit, ai tha: "Më pëlqejnë të gjitha figurat e kukullave të fatmirësisë dhe gjithashtu më pëlqejnë urimet tradicionale kineze që ata do të çojnë në mbarë botën. Zgjedhja e Pekinit më prek zemrën dhe besoj se kukullat e fatmirësisë do të prekin edhe zemrën e botës."

A ju pëlqejnë këta maskotë? Presim të marrim vlerësimet edhe nga ju. (Wang Lei)