Në një mbledhje për bujqësinë e Kinës dhe për ekonominë e fshatit të mbajtur ditët e fundit, ky zv/ministër tha se qysh nga fillimi i këtij viti, të ardhurat e fshatarëve kinezë janë shtuar në mënyrë të qëndrueshme, por rënia e epidemisë së gripit të shpendëve ka sjellë një ndikim relativisht të madh mbi blegtorinë kineze. Ai vuri në dukje se duke u dhënë subvencione familjeve fshatare të prekura nga fatkeqësia, qeveria kineze ka marrë edhe masa për shtimin e të ardhurave të tyre.

Blegtoria është një nga rrugët e rëndësishme për shtimin e të ardhurave të fshatarëve kinezë. Në disa provinca të mëdha blegtorale, të ardhurat nga blegtoria zënë 50% të të ardhurave të fshatarëve. Prej epidemisë së gripit të shpendëve, sektori industrial i rritjes së shpendëve shtëpiakë ka pasur një ndikim të madh negativ. Para një gjendjeje të tillë, si mund të ruhet e të sigurohet zhvillimi i industrisë së rritjes së shpendëve shtëpiakë si dhe si mund të shtohen të ardhurat e fshatarëve të zonave të prekura nga fatkeqësia ? Ne kemi zhvilluar diskutime rreth këtyre problemeve dhe kemi marrë masa konkrete.

Qysh nga vitet 90 të shekullit të kaluar, të ardhurat e fshatarëve kinezë janë shtuar në mënyrë të ngadalshme. Të ardhurat e banorëve të qyteteve dhe të qytezave të Kinës janë shtuar shumë shpejt, pra diferenca e të ardhurave midis tyre është zgjeruar pandërprerë. Për të ndryshuar këtë gjendje, vitet e fundit, qeveria kineze ka marrë shumë masa, si p.sh ngritja e çmimit të produkteve bujqësore. Kështu që shtimi i të ardhurave të fshatarëve është shpejtuar në mënyrë të dukshme.

Qysh nga fillimi i këtij viti, krahas shpejtimit të procesit të urbanizimit, struktura e të ardhurave të fshatarëve kinezë është përmirësuar më tej. Të ardhurat e punëtorëve nga fshati janë shtuar shumë. Qeveria kineze ka marrë masën për pakësimin dhe anulimin e taksave bujqësore dhe u ka dhënë familjeve fshatare subvencione për blerjen e farërave të mira dhe për blerjen e makinerive bujqësore. Këto masa kanë lehtësuar barrën e fshatarëve dhe kanë shtuar të ardhurat e tyre.

Zv/ministri në fjalë vuri në dukje se Kina ka një popullsi fshatare prej 900 milionë vetash, duke zënë 70% të popullsisë së përgjithshme të mbarë vendit. Për të siguruar shtimin e qëndrueshëm të të ardhurave të fshatarëve, në të ardhmen, shteti duhet të shpejtojë koordinimin e strukturës së brendshme të fshatrave.

Bashkëpunëtori i vjetër i Qendrës studimore pranë Këshillit të Shtetit të Kinës, z. Han Zun vuri në dukje se popullarizimi i njohurive të bujqësisë në fshat mund të sigurojë zhvillimin e bujqësisë moderne.

Gjendja më themelore e Kinës është "shumë njerëz dhe pak tokë e punueshme". Problemi i mungesës së burimeve ka penguar zhvillimin e bujqësisë. Prandaj struktura e brendshme e fshatit duhet të koordinohet dhe kultura e fshatarëve duhet të ngrihet.

Siç mësohet, vitet e fundit, Kina ka zhvilluar gjerësisht përgatitjen e teknikës në fshat. (Sihai)