Dëgjoni 

Të dashur lexues, po dëgjoni melodinë "Vjersha muzikore në breg të detit" të interpretuar nga Shye Vei. Në këtë melodi, kompozitori përdor detin e paanë si sfond, nëpërmjet të cilit shpreh hapur ndjenjat e tij. Interpretimi i Shye Vei-t është plot me pasion dhe mjeshtëri.

Shye Vei ka lindur në vitin 1963 dhe filloi të mësojë t'i bjerë violinës në moshën 8 vjeçare. Kur ishte 14 vjeç, ai filloi të ndjekë Shkollën e Mesme pranë Konservatorit të Shangait dhe u pranua me rezultate të shkëqyra në Konservatorin Qendror të Kinës. Pasi u diplomua në këtë konservator, Shye Vei shkoi në Angli për të vazhduar studimet e mëtejshme muzikore. Në korrik të vitit 1986, Shye Vei fitoi çmimin e argjendtë në Konkursin e 8-të të Violinës "Çajkovski" të organizuar në Moskë. Pas dy javësh, ai u kthye në Londër dhe mori pjesë atje në Konkursin e Violinës "Karl Flesh", ku fitoi çmimin e artë dhe çmime të tjera. Po në vitin 1986, Shye fitoi çmimin vjetor të interpretuesve të rinj të dhënë nga Konservatori Mbretëror i Anglisë. Në saje të aftësive të dalluara muzikore dhe të interpretimit të mrekullueshëm në shfaqje, në moshën 21-vjeçare, Shye u bë profesori më i ri në historinë e Konservatorit Mbretëror të Anglisë, i cili gëzon famë të madhe në qarqet muzikore botërore.

Tani, le të shijojmë së bashku një melodi të interpretuar nga Shye Vei me violinë. Kjo melodi titullohet "Rrezet e diellit ndriçojnë mbi Tashkurkan". Qyteza Tashkurkan ndodhet në Rajonin Autonom të Sinkian-Ujgurit të Kinës perëndimore, ku banon kryesisht një nga pakicat kombëtare të Kinës, kombësia taxhike. Nëpërmjet interpretimit të përsosur të Shye-s, përshkruhet një tablo e bukur ku banorë taxhikë vallëzojnë, duke kënduar për të kremtuar festën e tyre.

Dëgjoni

Si një interpretues i njohur, në bashkëpunim me orkestra e dinigjentë të njohur botërorë, Shye Vei ka dhanë mbi 1000 shfaqje në vende të ndryshme dhe ka fituar vlerësime të larta. Komentatorët ndërkombëtarë e quajnë atë si "i vetmi solist pa kritizë që nuk ka pasur kritika që ka arritur në kulmin e pakrahasueshëm artistik". Në artikullin e gazetës angleze "High Fidelity" interpretimi i Shye Vei-t vlerësohet si "interpretim i parezistueshëm, i admirueshëm e tërheqës". (Çan Yean)