Në të kaluarën, për arsye të politikës së dikurshme mbi sendet arkeologjike, tregu i shitjes me tender në pjesën kontinentale të Kinës ishte i ndaluar. Në vitin l992, tregu ndërkombëtar i shitjes me tender i arturinave, i organizuar në Pekin tronditi politikën tradicionale mbi sendet arkeologjike dhe që nga ajo kohë, tregu i shitjes me tender i arturinave filloi të zhvillohet me shpejtësi.

Viti i kaluar ishte viti i zhvillimit me vrull të shitjes me tender të arturinave. Vëllimi i përgjithshëm i shitjes me tender të kaligrafive, pikturave kineze dhe pikturave me vaj, i organizuar në hotelin " Muri i Madh " në Pekin nga kompania Jiade arriti në më se 13 milionë yuanë, në qershor të këtij viti, vëllimi i shitjes me tender i kaligrafive dhe pikturave, i organizuar nga kompania Duoyunxuan e Shangait në hotelin Hilton të Shangait arriti në 16 milionë yuanë, kurse shitja me tentder e arturinave, e organizuar në pallatin Baoli në Pekin ka tërhequr më se 880 koleksionistë nga SHBA-ja, Anglia, Singapori, Japonia, Koreja e Jugut, Filipinet e Majalzia si dhe nga Tajvani, Honkongu dhe Makao dhe nga zonat e brendshme të vendit dhe vëllimi i përgjithshëm i kësaj shitjeje arriti në 22 milionë e 800 mijë yuanë. Sipas statistikave jo të plota, vitin e kaluar, vëllimi i përgjithshëm i shitjeve me tender të arturinave kineze ka kaluar në l50 milionë yuanë duke hapur një gjendje të re zhvillimi.

Këtë vit, tregu i shitjes me tender të arturinave është në zhvillim të mëtejshëm dhe u krijuan njera pas tjetrës kompani të reja që merren me këtë biznes. Tani numri i kompanive të shitjes me tender të miratuara nga Ministria e Tregtisë e Kinës arriti në 59 dhe ato janë të shpërëndara në 20 provinca e qytete të mbarë Kinës.

Këto kompani organizojnë përkatësisht në pranverë dhe vjeshtë shitje me tender të arturinave.

Muajin e kaluar, korrespondentja e Radios së Jashtme të Kinës Huailu mori pjesë në tregun e shitjes me tender të arturinave të organizuar nga kompania Diancang e Yunnanit në qytetin piktoresk të Kunminit.

Në ceremoninë e pritjes për nder të koleksionistëve, prezantuesja e kompanisë Diancang tha:"Në vitin l994 u krijua Qendra e shitjes me tender e arturinave Yunan, pastaj kjo qendër kaloi në vitin 2003 në kompaninë e shitjes me tender Zhenkou të Yunanit dhe sivjet kjo kompani mori emrin e ri, Diancang i Yunanit.

Deri tani kjo kompani ka një histori 9 vjeçare të shitjes me tender të arturinave dhe gjatë këtyre 9 vjetëve, ajo ka kaluar një rrugë plot zigzake dhe ka arritur suksese të mëdha dhe ka grumbulluar përvojë të pasur në këtë drejtim.

Para se të organizohet tregu i vjeshtës i shitjes me tender të arturinave, kompania Diancang e Yunnanit dërgoi arturinat e saj të çmuara për ekspozim në panairin e 8-të të sendeve arkeologjike dhe të arturinave të Pekinit që tërhoqën interesin e shumë koleksionistëve. Ndër to ishin piktura e piktorit të madh Qi Baishi " Piktura e budave ", piktura e piktorit të madh Xu Beihong " Piktura e kuajve " dhe piktura e piktorit të madh Huan Zhou " Piktura e gomarëve " si dhe vazo dhe pjata porcelani të ngjyrosura bukur të dinastisë Qing etj.

Prezantusja e këtij tregu tha:"Kompania Diancan e Yunanit dhe televizioni i qytetit të Kunimit organizuan së bashku në vitin 2004 rubrikën "Koleksionimi i shekullit të ri ". Kjo rubrikë televizive ka luajtur një rol të mirë në propagadimin dhe në nxitjen e zhvillimit të tregut të shitjes me tender të arturinave dhe ka arritur rezultate të mira ekonomike e shoqërore.

Prandaj, gjatë hapjes së tregut të vjeshtës të shitjes me tender të kompanisë Diancang të Yunanit që u organizua në hotelin me 5 yje buzë liqenit Cuihu, ku u mblodhën shumë koleksionistë të ardhur nga krahina të ndryshme të vendit si dhe nga jashtë dhe nga Tajvani, Honkongu dhe Makao-ja.

Drejtori i përgjithshëm i kompanisë Diancan të Yunanit Wang Kun përshëndeti dhe shprehu falenderime për miqtë nga krahina të ndryshme të vendit, nga Tajvani, Honkongu dhe Makao që morën pjesë në këtë tender.

Para se të fillonte shitja me tenter, në këtë hotel u organizua edhe ekspozita paraprake e arturinave që do të shiteshin.

Në këtë ekspozitë ishin ekspozuar edhe sende të koleksionuara nga familja e shkrimtarit Qy Po, që është i njohur për romanin shumë të pritur gjatë dhjetra vjetëve në Kinë " Përmes pyjeve me dëborë" .

Tenderi arriti sukses të madh. Gjatë 9 vjetëve pas krijimit të saj, Kompania Diancang e Yunanit fiton mesarisht 20 milionë yuanë në vit.

Faktet tregojnë se organizimi si duhet i shitjes me tender të arturinave është një nga rrugët kryesore për nxitjen e kthimit të arturinave në gjirin e vendit dhe për ngritjen e vlerës së tyre. Pozita e arturinave kineze në arenën ndërkombëtare po ngrihet me shpejtësi dhe vlerat e arturinave kineze po bëhen të krahasueshme me vendet europiane dhe amerikane. ( Zhai)