Zv-sekretari i përgjithshëm i Shoqatës së Golfit të Kinës Li Yong është i mendimit se ky kampionat ka nxitur fuqimisht zhvillimin e golfit në Kinë. Ai tha:

"Zhvillimi i një kampionati të tillë është në favor të popullarizimit dhe përhapjes së sportit të golfit në Kinë. Këtë herë ne ftuam shumë yje botërorë për të marrë pjesë në kampionat. Ata jo vetëm nxitën zhvillimin e golfit në Kinë, por edhe tërhoqën vëmendjen e botës për zhvillimin e këtij sporti në Kinë."

Sporti i golfit ka lindur në Evropë dhe në shekullin e 18-të, filloi të përhapet në rajone të tjera. Ndërsa në Kinë sporti i golfit filloi në vitet' 80 të shekullit të kaluar kur në qytetet e mëdha si Pekini, Shangai, Shenzheni etj. u krijuan disa klube golfi. Në vitin 1985, u krijua në Pekin Shoqata e Golfit e Kinës. Kjo shënoi lulëzimin e sportit të golfit në Kinë. Në Lojërat Aziatike të Seulit të vitit 1986, lojtarët kinezë të golfit morën pjesë për herë të parë në ndeshje ndërkombëtare. Me zhvillimin e ndeshjeve të ndryshme, janë shtuar vazhdimisht tifozët e golfit në Kinë dhe është ngritur pandërprerë niveli i golfit. Si rezultat, u shfaqën lojtarë të shquar profesionistë si Zhang Lianwei, Liang Wenchong etj.

Zoti Zheng Yudong punon në një shoqëri të teknologjisë informative në Shangai dhe është një tifoz i golfit. Në fundjavë, ai dhe kolegët luajnë së bashku golf. Këtë herë, zoti Zheng shkoi posaçërisht në terrenin sportiv për të parë ndeshje të Kampionatit HSBC. Ai është i mendimit se një kampionat i tillë i nivelit të lartë mund të tërheqë më shumë njerëz për të marrë pjesë në këtë sport. Ai tha:

"Jam shumë i gëzuar për zhvillimin e kampionatit HSBC në Shangai, sepse mund të shoh shumë yje botërorë si Woods, Montgomerie etj. Tani më pëlqen më shumë ky sport, dhe golfi po mirëpritet nga më shumë kinezë."

Nëpërmjet zhvillimit 20-vjeçar, është krijuar në përgjithësi sektori i golfit i Kinës. Sipas statistikave, tani në Kinë tifozët e golfit i kanë kaluar 4.5 milionët. Njëkohësisht Kina e ka kaluar Japoninë dhe është bërë vendi i dytë i madh që prodhon pajisje golfi pas SHBA-së. Parashikohet se brenda 3 vjetëve, Kina ka shpresë ta kalojë SHBA-në dhe të zëre 70% të tregut të pajisjeve të golfit. 

Sporti i golfit nuk ka kufizime moshe dhe seksi, edhe fëmijët e pleqtë mund të marrin pjesë në këtë sport. Lojtari i famshëm amerikan Tiger Woods që mori pjesë në Kampionatin HSBC është i mendimit se me shtimin e tifozëve kinezë të golfit, perspektiva e golfit në Kinë është shumë e mirë. Pak kohë më vonë, lojtarët kinezë kanë shpresë të fitojnë titullin e kampionit botëror. Ai u shpreh:

"Tifozët kinezë të golfit po shtohen me shpejtësi, ndër të cilët ka shumë të rinj dhe fëmijë. Në të ardhmen, kinezët do të kenë sukses në gara të mëdha botërore." (Fani)