dëgjoni

57 vjecari tibetian Nong-bu-zha-dui ecën në një shteg pyjor me zigzage, duke mbajtur për kapistre kalin. Herë pas here, ai ktheu kokën dhe bisedon me turistin kaluar në shpinë të kalit. Duke u nisur nga fshati Yongming dhe duke ecur shtigjeve malore pas 7 a 8 kilometrash arrihet buzë akullnajës Yongming. Nga kjo akullnajë admirimi i pamjes së shenjtë të majës Kavagebo është bërë objektiv i përbashkët i turistëve. Kështu ka lindur një punë e re për banorët tibetianë të fshatiti Yongming, shoqërues me kuaj të turistëve.

Kjo punë mu në derën e shtëpisë u ka sjellë familjeve të fshatit të ardhura jo të pakta. "Vitin e kaluar, nga shiqërimi me kuajve i turistëve, familja ime fitoi mbi 30 mijë juanë." Duke folur për këtë, moshuari Nong-Bu-Zha-Dui buzëqesh lehtë.

Mali me dëborë Meili, që ndodhet në qarkun autonom tibetian Diqing të provincës Yunnan të Kinës jug-perëndimore, është i famshëm si brenda ashtu edhe jashtë vendit. Maja kryesore e këtij mali, Kavagebo, në lartësinë 6740 metra mbi nivelin e detit, është maja e parë e provincës Yunnan. Buzë majës, shihen kudo cirqe akullnajore dhe akullnaja. Ndër to, akullnaja Yongming është një akullnajë e re në moshë, e rrallë në gjerësinë e saj të ulët gjeografike dhe në lartësinë jo të madhe mbi nivelin e detit. Fshati Yongming gjendet pikërisht buzë akullnajës Yongming. Mali me dëborë dhe akullnaja tërheqin shumë turistë dhe njëkohësisht i kanë sjellë fshatit Yongming një rast të mirë për zhvillimin e tij ekonomik.

Shumë vjet me radhë, fshati Yongming ka qenë "një parajsë e qetë". Ai ndodhet në mes të malit dhe vetëm një shteg i thiktë që zbret deri buzë lumit e lidh me botën. 7 vjetë më parë, rruga automobilistike u hape shkoi deri në fshat, por për arsye të mbrojtjes së mjedisit, rruga nga fshati deri në akullnajë mbetet prapë shtegu e njerëzve dhe kafshëve. Shumë turistë e kanë të vështirë të ecin më këmbë në një shteg të tillë, kështu kshtu kalimi i tij aty në mes të pyjeve primitive dhe me kuaj a mushka është bërë një pjesë përbërëse interesante e kësaj linje turistike.

Në hyrje të shtegut pyjor, kuajt e mushkat i presin turistët sipas radhës dhe secili prej tyre ka numrin e vet. Një person i posacëm u jep turistëve nga një numër dhe pastaj drejtuesit e kuajve i shoqërojnë turistët të gjejnë kafshën me këtë numër.

Funksionon normalisht "tregu i shoqerimit me kuaj" dhe kjo e bën krenar drejtorin e fshatit Zhaxi i madh. Ai tha: "Kur u hap rruga automobilistike, vinin këtu vetëm qindra turistë në vit dhe me shoqërimin me kalë, të ardhurat për frymë në fshat ishin vetëm 400 juanë. Vitin e kaluar, numri i turistëve u shtua në afro 20 mijë, kështu që edhe të ardhurat për frymë u shtua në 5 mijë juanë."

Tani në të 51 familjet tibetiane të fshatit, është rritur numri i mushkave dhe kuajve. Në ndonjë familje nuk ka mjaf krah pune dhe ftohen me pagesë banorë nga jashtë fshatit për drejtimin e kuajve. Këto vite, janë shtuar pandërprerë të ardhurat e fshatarëve. Në fshatin Yongming, shihet tani edhe hoteli i modës tibetiane me një vlerë prej qindra mijë juanësh. Edhe tregtoret e shitjes së sendeve zejtare tërheqin turistë nga krahina të ndryshme. (Wang Lei)