Deri më 8 nëntor çmimi i naftës në tregun e Nju Jorkut ka rënë nën 60 dollarë për fuçi, ndërsa në krahasim me fundin e gushtit të këtij viti ka rënë afro 16%. Por opinioni publik është i mendimit se për arsye të faktorëve të ndërlikuar që ndikojnë mbi çmimin e naftës, tregu ndërkombëtar i naftës është shumë i dobët, prandaj nuk është e qartë prirja e uljes së çmimit të naftës në tregun botëror.

Që nga tetori i këtij viti çmimi i naftës në tregun e Nju Jorkut ka qenë gjithmonë rreth 60 dollarë për fuçi. Dhe më 7 nëntor çmimi i naftës ishte 58,60 dollarë për fuçi. Analistët janë të mendimit se shkaku i drejtpërdrejtë i uljes së çmimit të naftës gjatë këtyre ditëve është se dimri i sivjetshëm në SHBA është një dimër i ngrohtë dhe për shkak të klimës së ngrohtë amerikanët nuk kanë filluar të ngrohen me karburant. Krahas kësaj Drejtoria Administrative e Mineraleve e SHBA-së bëri të ditur, më 7 nëntor se ka ende 51,54% të kapacitetit të prodhimit të puseve të naftës, të ndërprerë nga ciklonet " Katrina" dhe " Rita" në rajonin e Gjirit të Meksikës. Por personalitete të tregut janë të mendimit se këto shifra tregojnë se prodhimi i naftës në këtë rajon do të vazhdojë të rritet dhe furnizimi me naftë në SHBA do të përmirësohet më tej.

Por disa personalitete përkatëse vunë në dukje, njëkohësisht se ekzistojnë ende disa faktorë negativë, prandaj nuk mund të themi me siguri se çmimet e naftës në tregun botëror do të ulen më tej.

Në radhë të parë, faktori i klimës është i pa përcaktuar. Megjithëse dimri i tanishëm në SHBA është i ngrohtë, është vështirë të parashikohet klima e ardhshme. Në dimrin e gjatë 4-mujor, nuk mund të parashikojmë se ç' klimë do të ketë në të ardhmen. Faktori i klimës është një faktor jo afatgjatë që ndikon në tregun e naftës.

Krahas kësaj, tregu botëror i naftës është tepër i dobët. Që nga viti i kaluar, si pasojë e faktorëve të ndryshëm, si të luftimeve, të klimës etj, çmimet e naftës janë ngritur vazhdimisht. Edhe Organizata e vendeve eksportuese të naftës nuk është në gjendje t'i kontrollojë çmimet e naftës.

ShBA-ja është vendi më i madh konsumator dhe importues i naftës dhe sasia e konsumit dhe e tregtisë së naftës të SHBA-së përbën një të katërtën e sasisë së përgjithshme të mbarë botës. Për shkaqe të ndryshme, Administrata e Bushit shpreson që vendet naftëprodhuese të Gjirit të fitojnë më shumë nga çmimet e larta të naftës dhe kështu mund ta ndihmojnë SHBA-në në përballimin e luftës së Irakut. Njëkohësisht, si pasojë e çmimeve të larta të naftës, do të frenohet zhvillimi ekonomik i disa vendeve rivalizuese të SHBA-së, duke përfshirë këtu edhe Japoninë, Kinën dhe Bashkimin Evropian, në mënyrë që SHBA-ja të mbetet për një kohë të gjatë në vendin e hegjemonit botëror.

Por, në rast se komuniteti ndërkombëtar do të bëjë përpjekje të përbashkëta, çmimet e naftës në tregun botëror do të mund të vihen nën kontroll dhe ruajtja e çmimeve të naftës në një shkallë të arsyeshme përputhet me interesat themelorë dhe afatgjatë të të gjitha vendeve të botës. ( zhang )