Lojërat e Azisë Lindore, qe zhvillohen një herë në 4 vjet, janë takimi më i madh kompleks i Azisë lindore. 3 lojërat e para u zhvilluan përkatësisht në Shangai të Kinës, Busan të Koresë së Jugut dhe Osaka të Japonisë. Në këto lojëra të Azisë Lindore përfshhen 17 disiplina kryesore sportive dhe marrin pjesë mbi 3 mijë lojtarë nga 9 vende e rajone.

Duke folur për rëndësinë e Lojërave të Azisë Lindore, presidenti i Këshillit Drejtues Administrativ të Komitetit Organizativ të këtyre lojërave të Makaos, z. Xiao Weili tha se me pjesëmarrjen e Kinës, të Japonisë dhe të Koresë Jugut, këto lojëra me siguri do të japin kontribut të dukshëm për zhvillimin e gjithanshëm të sportit të Azisë. Ai tha:

"Rëndësia e parë e Lojërave të Azisë Lindore është se skuadrat më të fuqishme sportive të Azisë përqëndrohen në Azinë Lindore; së dyti, këto lojërat u zhvilluan një vit para Lojërave Aziatike të Dohës, prandaj ato mund të quhen si nxehje për sportistët kinezë, japonezë dhe koreanojugorë; së treti, pjesëmarrja e shumë lojtarëve të dalluar të këtyre vendeve në këto lojëra me siguri do të nxitë dhe do të përkrahë gjithnjë e më shumë sportistë të rinj, që edhe ata të arrijnë nivelin e pjesëmarrjes në Lojërat e Azisë dhe në Lojërat Olimpike."

Në konkurrencën midis tri vendeve të fuqishme të Azisë lindore, Kina ka qenë në krye. Në katër lojërat e Azisë Lindore, Kina zuri në vendin e parë në listën e medaljeve të arta. Në Lojërat Olimpike 2004 në Athinë, delegacioni kinez zuri edhe vendin e dytë në listën e medaljeve të arta, pas SHBA-së. Në këto lojëra të Azisë Lindore, Kina dërgoi 394 sportistë për pjesëmarrje në 16 disiplinat sportive kryesore. Krahas këtyre, pjesëmarrja e shumë kampionëve olimpikë në këto lojëra, si Liu Xiang, Xing Huina, Guo Jingjing, etj. jo vetëm tërhoqi vëmendjen e mëdha banorëve të Makaos, por u tregoi delegacioneve japoneze dhe koreanojugore rëndësinë që Kina u kushton këtyre lojërave.

Duke folur për përparësinë e sportit Kinez në konkurrencën midis tri vendeve të Azisë Jugore, kryetari i delegacionit të Koresë së Jugut në këto lëjëra, Le Sung Gok tha:

"Koreja e Jugut, Kina dhe Japonia janë tri vendet më të fuqishme aziatike në sport. Veçanërisht lojtarët kinezë të zgjedhur nga 1,3 miliardë banorë, kanë mbështjetje të fuqishme nga qeveria. Mendoj se niveli i sportit ngrihet nëpërmjet konkurrencës. Pa konkurrencë nuk flitet për zhvillim. Pikërisht ekzistenca e kundërshtarëve të fuqishëm, si Koreja e Jugut dhe Japonia i ka nxitur lojtarët kinezë të kërkojnë objektivin "Më shpejt, më lart dhe më fort".

Në përgatitje për Lojërat Aziatike 2006 në Dohë dhe për Lojërat Olimpike 2008 në Pekin, Kina, Japonia dhe Koreja e Jugut dërguan shumë lojtarë të rinj të merrnin pjesë në Lojërat e Azisë Lindore. Drejtori i delegacionit të Japonisë, Sakarai Koji tha se në këto lojëra radhitja në listën e medaljeve të arta nuk është synimi kryesor i delegacionit të tij. Ai i kushtoi më shumë vëmendje cilësisë së lojtarëve, duke shpresuar dhe shpresoi të zbulojë sa më shumë të rinj me mundësi për konkurrencat e ardhshme. Sakarai Koji tha:

"Në Azi dhe në Azinë lindore, Kina, Japonia dhe Koreja e Jugut kanë konkurruar prej kohësh për medalje ari, pra pavarësisht nga kuadri aziatik apo botëror, këto tri vende janë forcat kryesore për nxitjen e përparimit të sportit. Konkurrenca sportive midis tyre do të vazhdojë për një kohë të gjatë." (Wang Lei)