Lou Yun është një gjimnast i njohur kinez. Ai ka lindur më 23 qershor të vitit 1964 në Hang Zhou të provincës Zhe Jiang. Ai filloi të mësojë gjimnastikë kur ishte 8 vjeç. Në vitin 1973, u pranua në ekipin profesionist të qytetit Hang Zhou dhe hyri në ekipin e provincës Zhe Jiang në dhjetor të po atij viti. Në vitin 1977, ai u përfshi në kombëtaren kineze të gjimnastikës. Pas stërvitjes profesionale në ekipin kombëtar, niveli i tij u ngrit shumë, dhe në vitin 1981 në kampionatin e gjimnastikës në Japoni, ai fitoi titullin kampion në garën e kërcimit mbi kalë dhe në gjimnastikën e lirë. Në vitin 1983 në kampionatin e 22-të botëror të gjimnastikës, ai fitoi titullin kampion në garën e paraleleve. Në vitin 1984, kur Lojërat Olimpike u organizuan në Los Anxhelos, Lou Yun fitoi medaljen e artë në garën e kërcimit mbi kalë. Në vitin 1987 në kampionatin e 24-të botëror të gjimnastikës, Lou Yun fitoi titullin kampion në garën e gjimnastikës së lirë dhe të kërcimit mbi kalë. Në vitin 1988, kur Lojërat Olimpike u organizuan në Seul, Lou Yun fitoi përsëri titullin kampion në garën e kërcimive në kal dhe në atë vit ai u përcaktua bashkërisht nga revista "Gjimnastika Botërore" dhe nga Konferderata Botërore e Gazetave Sportive si një nga 10 gjimnastët më të mirë të vitit 1988. Në vitin 1990, Lou Yun përfundoi karrierën e tij sportive.

Gjatë karrierës së tij sportive, Lou Yun ka dhënë një kontribut të rëndësishëm në zhvillimin e gjimnastikës në botë. Disa lëvizje të vështira gjimnastikore janë emërtuar sipas emrit të tij.

Pasi mbylli karrierën sportive, Lou Yun fillon karrierën e tij si tregtar dhe u bë menaxheri i përgjithshëm i disa kompanive të veshjeve. Në vitin 1995, ai u shpërngul në Amerikë. Tani, ai punon si menaxher i përgjithshëm i kompanisë "Lou Yun" të Pekinit. (Jiang Lei)