Në programin e sotëm muzikor do t'ju flasim për meloditë e njohura të huaja të interpretuara nga violinisti i ri kinez Huang Mengla. Së pari do të dëgjoni melodinë me titull "Daulle-lule kineze"

Dëgjoni......Daulle-lule kineze......

Kjo është një vepër e kompozuar nga violinisti austriak Frit Kreisler. Thuhet se kur violinisti Frit Kreisler jetonte në SHBA, ai e kompozoi veprën sipas interpretimit të një artisti kinez. Kjo melodi përbëhet nga tri pjesë. Në pjesën e parë, ai imitoi melodi të gongut dhe daulles kineze për të shprehur gëzim. Në pjesën e dytë, melodia është e këndshme dhe e ndryshme nga pjesa e parë. Në pjesën e tretë, shprehet përsëri gëzim. Interpretimi i Huang Mengla-së është i lirshëm dhe i bukur dhe ai tregon aftësi të ndryshme në interpretimin e violinës.

Huang Mengla lindi në qytetin Shangai të Kinës në vitin 1980. Kur ishte 4 vjeçar, ai shfaqi talentin për muzikë. Në vitin 1989, ai u regjistrua me provime në shkollën fillore pranë Konservatorit të Shangait dhe mësoi nga violinisti i njohur kinez Yu Lina. Pastaj ai hyri në Konservatorin e Shangait. Gjatë mësimit në këtë Konservator, ai fitoi shumë herë bursa studimi për rezultate të mira. Në vitin 2002, Huang Mengla u diplomua nga Konservatorin e Shangait dhe mori pjesë në Konkursin e 49-të ndërkombëtar të violinës Paganini. Në këtë konkurs të violinës me nivelin botore, Huang Mengla fitoi disa çmime të rëndësishme si çmimin e artë Paganini, çmimin për interpretimin më të mirë muzikës së Nicola Paganinit. Pas violinistëve Lu Siqing dhe Huang Bin, Huang Mengla u bë violinisti i tretë në Kinë që fitoi çmimin e artë "Paganini".

Dëgjoni...... Kambana......

Melodia që po dëgjoni është "Kambana" e interpretuar nga Huang Mengla. Kjo është pjesa e tretë e "Koncertit të dytë për violinë" të kompozuar nga Nicola Paganini. Në këtë pjesë imitohen tre herë tingujt e kambanës, prandaj titullohet "Kambana" . Le ta dëgjojmë.

Ndër tre violinistët që kenë fituar çmimin e artë "Paganini", Huang Mengla është i vetmi që nuk ka eksperiencë të mësimit jashtë Kinës, dhe mosha e tij është më e vogël. Aftësia e imterpretimit të Huang Mnegla-së është e lartë, por muzika e tij nuk ka vetëm shfaqje të aftësisë. Në melodinë e tij, dëgjuesit mund të dëgjojnë edhe kuptimin e tij për muzikën. Në fund të programit të sotëm, do të dëgjoni "Melodia e vallëzimit Habanera" e interpretuar nga Huang Mengla.

Dëgjoni......Melodia e vallëzimit Habanera......

Kjo melodi është kompozuar nga violinisti spanjoll Pablo De Sarasate. Habanera është një lloj melodie vallëzimi me karakteristika popullore në Kubë. Kjo melodi është shumë e gëzuar.  (Çang Çuo)