Në një mbledhje mbi shfrytëzimin e energjisë së ripërdorur, të mbajtur, ditët e fundit, në Pekin, zv/kryeministri i Kinës Ceng Peiyan tha se në të ardhmen, Kina do të marrë një sërë masash për të shpejtuar më tej shfrytëzimin e energjisë së ripërdorur. Ai inkurajoi, gjithashtu, investuesit e huaj të marrin pjesë në ndërtimin e shfrytëzimit të energjisë së ripërdorur të Kinës.

Vitet e fundit, ekonomia kineze është zhvilluar në mënyrë të vazhdueshme dhe të qëndrueshme. Kërkesa e energjisë është shtuar nga dita në ditë. Por në konsumin e energjisë në Kinë, qymyrguri, nafta dhe energji të tjera që nuk mund të ripërdoren, zënë një përqindje të madhe. Kjo strukturë e konsumit të energjisë jo vetëm ka shkaktuar tensionin në furnizimin me qymyrgur, naftë dhe me energji të tjera, por edhe ka shkaktuar ndotjen e rëndë të mjedisit. Prandaj, shpejtimi i shfrytëzimit të energjisë ujore, të energjisë qiellore, të energjisë së erës dhe të energjive të tjera që mund të ripërdoren, është bërë një faktor i rëndësishëm që do të ushtrojë ndikim mbi zhvillimin e vazhdueshëm të ekonomisë së ardhshme kineze. Tani, qeveria kineze e ka njohur plotësisht rolin e energjisë së ripërdorur në nxitjen e zhvillimit të vazhdueshëm të ekonomisë kineze dhe kërkon që gjatë 5 vjetëve të ardhshëm, të krijohet një sistem i sigurt, i pastër dhe ekonomik i furnizimit me energji.

Qeveria kineze i kushton rëndësi shumë të madhe shfrytëzimit të energjisë së ripërdorur dhe e konsideron shpejtimin e shfrytëzimit të energjisë së erës, të energjisë qiellore dhe të energjive të tjera që mund të ripërdoren, si detyrë të rëndësishme të shfrytëzimit të energjisë gjatë 5 vjetëve të ardhshëm. Për këtë do të merren një sërë masash për shfrytëzimin e energjisë së ripërdorur.

Sipas njoftimeve, vitet e fundit, Kina ka arritur suksese të dukshme në zhvillimin e energjisë së ripërdorur. Tani, çdo vit Kina ka investuar fonde shumë të mëdha për popullarizimin e aplikimit të gazit metan në fshatra, për shfrytëzimin e energjisë së erës, të energjisë qiellore dhe të energjive të tjera që mund të ripërdoren në Singjian, në Tibet, në Mongolinë e Brendshme dhe në zona të tjera të largëta malore.

Administrata e Rajonit Autonom të Mongolisë së Brendshme ka krijuar me investime në zona të gjera blegtorale shumë objekte të prodhimit të energjisë elektrike nga energjia qiellore dhe nga energjia e erës. Realizimi i këtyre objekteve ka përmirësuar shumë kushtet e prodhimit dhe të jetës të blegtorëve vendës. Në prill të vitit të kaluar, një blegtor Zhaolunbatër bleu një pajisje të prodhimit të energjisë elektrike nga energjia qiellore. Ai i tha gazerit se

"sistemi funksional i prodhimit të energjisë elektrike nga energjia qiellore është i qëndrueshëm, kjo pajisje është më e mirë se aparati i prodhimit të energjisë elektrike nga energjia e erës.

Sipas njoftimeve, në të ardhmen, Kina do të ndërtojë edhe një sërë bazash të prodhimit të energjisë elektrike nga energjia e erës në krahinat perëdimore, do të forcojë shfrytëzimin e energjisë qiellore, do të popullarizojë aplikimin e gazit metan në fshatra dhe do të forcojë prodhimin, studimin dhe shfrytëzimin e teknikës dhe të pajisjeve të energjisë së ripërdorur. Përveç këtyre, Kina do të ndërmarrë politika dhe do të marrë masa për shtimin e investimeve dhe për pakësimin e taksave për të inkurajuar dhe për të nxitur shfrytëzimin e energjisë së ripërdorur. (Sihai)