Dëgjoni

Të dashur lexues, po dëgjoni një melodi të interpretuar nga muzikanti, Liu Shian me veglën muzikore Ban Hu. Ban Hu është një vegël tradicionale kineze, e cila shpesh përdoret si një vegël muzikore shoqëruese e instrumenteve të tjera. Në këtë melodi përshkruhet gëzimi i vajzave kur ato ecin në rrugë për të parë shfaqje të operave lokale.

Liu Shiani ka lindur në vitin 1963. Edhe i ati është një muzikant i njohur kinez, Liu Minjuan, i cili gëzon famë të madhe në interpretimin e veglave kineze me tela. Që në fëmijëri, Liu Shiani shfaqi interes të madh ndaj muzikës. Sa herë që babai i tij bënte praktikë ose mësonte studentë në shtëpi, ai e dëgjonte i qetë e me vëmendje dhe shpesh imitonte gjestet e tij. Babai i tij u prek shumë nga këmbëngulja e të birit, prandaj kur Liu Shian ishte 6 vjeç, filloi ta mësonte zyrtarisht për të interpretuar me vegla muzikore me tela si, Ban Hu, Er Hu etj. Nën drejtimin e babait të tij, shkalla e të interpretuarit të Liu Shianit u ngrit me ritme shumë të shpejta. Madje, kur ishte vetëm në vitin e dytë të shkollës fillore, Liu fitoi shumë çmime në konkurse të ndryshme të të interpretuarit. Tani, le të shijojmë së bashku një melodi të interpretuar nga Liu me veglën muzikore Ban Hu.

Dëgjoni

Në vitin 1986, Liu Shiani hyri në Orkestrën Qendrore Kombëtare të Kinës, dhe u bë zv. kryeinterpretuesi i orkestrës. Gjatë këtyre viteve, Liu ka bërë turne në dhjetëra vende e rajone të botës duke përfshirë SHBA-në, Gjermaninë, Austrinë, Singaporin, Korenë e Jugut etj. Ai ka marrë pjesë si solist dy herë në Koncertin e Melodive Kombëtare Kineze të organizuar në Sallën e Artë Muzikore të Vjenës.

Dëgjoni 

Të dashur lexues, po dëgjoni melodinë "Vendlindja e Hua Er-it" të interpretuar nga Liu Shiani. Hua Eri është një lloj këngë popullore e përhapur gjerësisht në provincën Çin Hai, Gan Su si dhe në disa krahina të Kinës veriperëndimore. Bile banorët e atjeshëm u përgjigjen pyetjeve, duke kënduar Hua Er dhe ata shprehin gjithashtu dëshirën e tyre për jetën, dashurinë dhe të ardhmen e ndritur.

Ditët e fundit, Liu Shiani ka nxjerrë një tjetër album të vetin me melodi kombëtare. Në fund të programit të sotëm, ju ftojmë të shijoni melodinë e përfshirë në këtë album "Të kremtojmë festën e re të Pranverës". Në këtë melodi përshkruhet një panoramë e bukur kur banorët në krahinat e Kinës verilindore kremtojnë festën e pranverës. Ndiqeni!

Dëgjoni (Çan Yean)