Qyteti i lashtë Lijang i provincës Yunan të Kinës jug-perendimore ndodhet në rrëze të malit me dëborë Yulong dhe në bregun e lumit Kinsha që është rrjedha e sipërme të lumit Jance. Ky qytet ka një histori më se 800 vjeçare.

Më 3 dhjetor të vitit l997, komiteti i trashëgimive botërore të UNESKOs i OKB-së e përfshiu qytetin e lashtë Ligjan si trashëgimi kulturore në " Listën e trashëgimive botërore ".

Sipas vlerësimeve të komitetit të trashëgimive botërore, në qytetin Ligjang është ruajtur në mënyrë të përsosur pamja e tij e thjeshtë e lashtësisë. Arkitektura e këtij qyteti është e njohur me karakteristika kulturore të kombësive Nasi, Bai, Tibetiane, Hane etj .

Qyteti ndodhet në bregun e lumit Kimsha dhe në periferi të qytetit mund të shohim një pamje madhështore e të çuditshme të bashkimit të tre lumenjve: lumit Lanchang, Lumit Nugjan dhe lumit Kimsha. Në mbledhjen e 27-të të trashëgimive botërore të UNESKOs, specialistët vendosën ta përfshinin pamjen natyrore të " bashkimit të tre lumenjve " si një trashëgimi natyrore në " listën e trashëgimive botërore ". Pastaj, edhe dokumenti i librave të lashtë Dongba të kombësisë Nasi u përfshi në " listën e trashëgimive të kujtesës botërore "

Qyteti i lashtë Lijang është i vetmi qytet pa mur rrethues ndër qytetet e njohura kulturore historike të Kinës. Qyteti është një pikë kyçe komunikacionit midis provincave Yunan, Sëchuan dhe Rajonit Autonom të Tibetit dhe ka qenë qysh në kohën e lashtë një qytet i rëndësishëm dhe i njohur me aktivitete të dendura tregtare dhe turistike.

Në qendër të qytetit të lashtë është një shesh katëror që është i lidhur nga të katër anët e qytetit me rrugë të kryqëzuara dhe me rrugica të vogla që janë si një rrjetë e shpërëndarë në gjithë qytetin. Të gjitha rrugët e rrugicat e këtij qyteti janë shtruar me gurë shumëngjyrësh që janë të sheshtë, të lëmuar, të bukur dhe të pastër. Pothuajse të gjithë anët e rrugëve shoqërohen me perrenj me ujë të kulluar, ku lëvizin lirisht peshq të artë dhe të kuq. Buzë përrenjave janë mbjellë shelgje me gjethe të gjelbra. Duke ardhur këtu, njerëzit sikur ndodhen në natyrën e " Venecisë së Lindjes ".

Në dy anët e rrugëve dhe rrugicave ka plot dyqane të sendeve artistike si të pikturave, kaligrafive, artikujve të punimeve artistike, sendeve të brozta, gdhendjeve të formave të ndryshme në dru pa ngjyrë dhe shumëngjyrëshe, gdhendjeve në gurë të çmuar si dhe dyqane të velgave karakteristikave muzikore frymore Lushen etj.

Duke qenë në një dyqan të pikturave të gdhendura në dru, korrespondentja bisedoi me të zonjen e këtij dyqani. Ajo tha se për të realizuar një punim me piktura shumëngjyrëshe të gdhendura duhet të paktën 5 ditë, sende me piktura shumëngjzrëshe të gdhendura me cilësi të lartë janë punimet e dorës së të birit, edhe ajo merret me pikturë të gdhendur, por vetëm me punime të thjeshta që shiten vetëm dhjetra yuanë. Kurse ato të punuar nga djali mund të shiten me çmime të larta. Djali e ka përvehtësuar me përpjekjet e veta mjeshtrinë e gdhendjes.

Duke shëtitur në qytet vizitorët mund të ndjejnë karakteristikat e theksuara të arkitekturës kineze të pakicave kombëtare dhe gjërat e punimeve artistike të gdhendjes, të pikturave në pëlhurë, të stolisjes së argjentë dhe vazove të bukura karakteristike si dhe të veshjeve me vizatime e qëndisje karakteristike.

Për rreth qytetit ndodhen edhe shumë pika me panorama të bukura si pikturat e murit Peisha, Parku i akullnajes, liqeni Lugu, Tempulli Wenfeng, qyteza e lashtë Suhe, oborri i shenjtorëve Dongba, kthesa e parë e lumit Jance, liqeni i lopëve tibetiane, qyteza Shëgu, ngushtica e kapërcimit të tigrit me pamje të çuditshme madhështore me ujë të vrullshëm dhe mali me dëborë Yulong, Të ndodhur për turizëm në malin me dëborë Yulon, që njihet si " muzeu modern i akullnajës " dhe " mbretëria e bimëve ", turistët jo vetëm mund të kënaqen me pamjen e malit të mbuluar me dëborë, me pyllin e rafshnaltës, por edhe me kafshët e rralla të zonës.

Të gjithë turistët që vijnë për turizëm në malin me dëborë Yulon, ndalojnë së pari për të parë ujëvarat dhe lopët karakteristike tibetiane dhe pastaj ngjiten me teleferikë në majë të malit, ku mund të kënaqen me madhështinë e majes me dëborë të këtij mali.

Vitet e fundit, qyteti Ligjan që ka tri trashëgimi botërore po tërheq gjithnjë e më shumë turistë kinezë dhe të huaj me thjeshtësinë, lashtësinë misterioze dhe me pikat e bukura natyrore. ( Zhai)