dëgjoni

Pas 5 ditë fluturimesh rreth Tokës, anija kozmike kineze me kozmonautë " Shenxhou" Nr. 6 u ul me sukses, më 17 tetor, në vendin e përcaktuar në Mongolinë e Brendshme të Kinës. Dy kozmonautët kinezë dolën nga anija dhe i përshëndetën me dorë të pranishmit. Deri këtu fluturimi i dytë i anijes kozmike kineze me kozmonautë përfundoi me sukses të plotë. Kjo do të thotë se teknologjia kozmike e Kinës ka hedhur një hap të madh përpara.

Anija kozmike kineze " Shenxhou" Nr. 6 u lëshua më 12 tetor në qendrën e lëshimit të satelitëve Gjiuchuan të Kinës veriperëndimore. Në të kishte dy kozmonautë kinezë. Zv-kryekomandanti i Veprës Kozmike me kozmonautë të Kinës, zoti Hu Shishian është i mendimit se përfundimi me sukses i fluturimit të anijes kozmike me kozmonautë " Shenxhou" Nr. 6 mund të konsiderohet si një hap i suksesshëm i Strategjisë së dytë të Veprës kozmike me kozmonautë të Kinës.

" Vepra kozmike kineze me kozmonautë është ndarë në tre hapa.` Kësaj here, në anijen kozmike " Shenxhou Nr. 6" kishte dy kozmonautë dhe fluturimi zgjati disa ditë. Kjo shërben për studimin e teknologjisë së fluturimit të anijes kozmike me disa kozmonautë dhe për disa ditë me radhë. Kjo është nisma e fazës së dytë.

Kina e filloi veprën kozmike me kozmonautë në vitin 1992. dhe po atë vit u hartua një plan strategjik me tre hapa. Sipas këtij plani, hapi i parë është realizimi i fluturimit të parë të anijes kozmike me kozmonautë. Pastaj, vjen fluturimi me disa kozmonautë për disa ditë, ecja e kozmonautëve jashtë anijes kozmike, bashkimi i pajisjeve kozmike dhe teknologji të tjera kozmike. Në fund është krijimi i stacionit kozmik afatgjatë me punonjës tekniko-shkencorë. Për të realizuar këta objektiva, Kina filloi të eksperimentojë anije kozmike dhe raketa për lëshimin e anijes kozmike, filloi të ndërtojë edhe pistën e lëshimit, pistën e uljes së anijes dhe rrjetin e vrojtimit dhe filloi të përgatitë kozmonautë??

Pas mbi 10 vjet përpjekjesh, Kina lëshoi me sukses në vitin 2003 anijen kozmike " Shenxhou" Nr. 5 me një kozmonaut. Anija " Shenxhou" Nr. 5 fluturoi 21 orë. Kështu Kina u bë vendi i tretë në botë, pas Rusisë dhe SHBA-së që realizoi në mënyrë të pavarur fluturimin e anijes kozmike me kozmonaut. Me këtë u realizua edhe detyra e hapit të parë të Veprës kozmike të Kinës me kozmonautë.

Dy vjet më vonë, Kina lëshoi me sukses edhe njëherë anijen kozmike me kozmonautë, por kësaj here kishte dy kozmonautë dhe fluturimi i anijes zgjati 5 ditë, nga një kozmonaut dhe një ditë që ishte gjatë fluturimit të parë. Krahas kësaj dy kozmonautë bënë në anijen kozmike edhe eksperimentime shkencore kozmike.

Kryeprojektuesi i Veprës kozmike kineze me kozmonautë, zoti Van Yonxhi u shpreh se fluturimi kozmik 5-ditor me dy kozmonautë ishte një provë e aftësisë së funksionimit të anijes kozmike " Shenxhou". Faktet vërtetojnë se megjithëse në krahasim me Rusinë dhe me SHBA-në vepra kozmike kineze me kozmonautë filloi dhjetëra vjet më vonë, niveli teknologjik i anijes kozmike kineze me kozmonautë ka hyrë në nivelin e përparuar botëror. Ai tha: " Anija jonë kozmike u lëshua 40 vjet pas ish-Bashkimit Sovjetik dhe SHBA-së, por në krahasim me anijet e tyre të tanishme kozmike, niveli i anijes sonë nuk është i prapambetur."