Për të nxitur më tej zhvillimin e ndërmarrjeve të mesme dhe të vogla të vendeve të ndryshme të Azisë lindore, qeveria kineze organizoi simpoziumin e parë të nivelit të lartë për nxitjen e zhvillimit dhe të investimeve të ndërmarrjeve të mesme dhe të vogla. Në ceremoninë e hapjes së këtij simpoziumi, kryetari i komisionit shtetëror të zhvillimit dhe të reformës të Kinës, z. Ma Kai tha se qeveria kineze i kushton rëndësi shumë të madhe zhvillimit të ndërmarrjeve të mesme dhe të vogla. Tani, mund të thuhet se korniza ligjore dhe sistemi i politikës për nxitjen e zhvillimit të ndërmarrjeve të mesme dhe të vogla u krijuan fillimisht në Kinë. Ndërmarrjet e mesme dhe të vogla janë bërë një forcë e rëndësishme për zhvillimin ekonomik të Kinës, për lulëzimin e tregut dhe për zgjerimin e punësimit.

Me përpjekjet e përbashkëta të vendeve të ndryshme të Azisë lindore, tani, bashkëpunimi ekonomik e teknik midis Aseanit dhe Kinës, Japonisë e Koresë së Jugut ka ruajtur një prirje të mirë. Bashkëpunimi rajonal midis ndërmarrjeve të mesme dhe të vogla ka luajtur një rol të rëndësishëm. Vendet e ndryshme të Azisë lindore i kushtojnë rëndësi shumë të madhe simpoziumit të nivelit të lartë të Azisë lindore për nxitjen e zhvillimit dhe të investimeve të ndërmarrjeve të mesme dhe të vogla. Përfaqësuesit janë të mendimit se ky simpozium ka krijuar një platformë të shkëmbimeve reciproke për ndërmarrjet e mesme dhe të vogla të vendeve të ndryshme të Azisë lindore dhe raste të mira tregtare për zhvillimin e këtyre ndërmarrjeve. Funksionari i Ministrisë së Industrisë, të Burimeve dhe të Energjisë të Mbretërisë së Kamboxhias, z. Praing tha: "Unë jam i bindur se rasti i thirrjes së këtij simpoziumi është shumë i përshtatshëm. Unë shpresoj se ky simpozim do të krijojë një mundësi të ri për ne".

Për të forcuar më tej shkëmbimet dhe bashkëpunimin midis ndërmarrjeve të mesme dhe të vogla të vendeve të ndryshme të Aseanit dhe të Kinës, Japonisë dhe Koresë së Jugut, kryetari i komisionit shtetëror të zhvillimit dhe të reformës të Kinës, z. Ma Kai në emër të palës kineze parashtroi disa propozime.

Do të konsiderohet ky simpozium si pikë nisje. Do të organizohet me afat të përcaktuar simpoziumi i nivelit të lartë i Azisë lindore për nxitjen e zhvillimit dhe të investimeve të ndërmarrjeve të mesme dhe të vogla. Do të zgjidhen problemet e përbashkëta të ndërmarrjeve të mesme e të vogla gjatë zhvillimit të tyre. Sipas kërkesave të rregulloreve të Organizatës Botërore të Tregtisë, do të krijohen sistemi i politikës, që favorizon ndërmarrjet e mesme dhe të vogla dhe mjedisi i tregtisë dhe i investimeve për pjesëmarrjen e ndërmarrjeve të mesme dhe të vogla në konkurrencën e tregut.

(Sihai)