Luka Toni nuk harron të shënojë dhe Fiorentina përmbys rezultatin ndaj Askolit, duke qenë aktualisht forca e tretë e kampionatit.

Prandeli dhe Dela Vale vazhdojnë të shijojnë frytet e punës së tyre në merkaton e verës. Në Firence, vjollcët në javën e 11-të të kampionatit bëjnë "harakiri" në pjesën e parë. Një kthim i gabuar i topit të Di Loretos prapa, ka lejuar sulmuesin Suazo të shënojë. Dukej se çdo gjë mbaroi, edhe pse Bojinovi ishte nën formë dhe zëvendësohet nga Pacini. Por në pjesën e dytë, Toni shndërrohet sa për të ndryshuar, në protagonistin e takimit. "Bomberi" më i mirë i Serisë A barazon, duke konkretizuar një pasim të bukur të Fiores dhe më pas shërben për Jorgensenin golin e fitores. Në fund, sardët e mbyllin ndeshjen me nëntë lojtarë. Interi tani është paralajmëruar.

Fiton edhe Roma, që falënderon mbrojtësit e saj kundër Askolit. Në "Olimpiko" nuk ishte Toti i pezulluar dhe mungesa e tij u ndje. Mansini në pjesën e parë godet shtyllën dhe më pas Panuçi zhbllokon rezultatin për verdhekuqtë. Në pjesën e dytë, Askoli nuk dorëzohet dhe barazon me Domizin. Me dhjetë lojtarë, për shkak të daljes me karton të kuq të Çivusë, Roma dukej se po e mbyllte ndeshjen në barazim, por francezi Mekses shënon golin e barazimit. Roma gjen vazhdimësi dhe arrin fitoren e dytë radhazi. Askolanët kundërshtojnë gjyqtarin, pasi pretendonin për dy 11-metërsha të padhënë.(Nga Sportishqiptar)