Trajtimi çdo vit i 200 mijë aparateve elektronike të nxjerra jashtë përdorimit

Nga të dhënat e Komisionit të Ekonomisë dhe Tregtisë të provincës Zhegjang del se, duke filluar nga viti 2003, Kina po hyn në fazën e kulmit të nxjerrjes jashtë përdorimit të aparateve elektroshtëpiake. Sot në Kinë përdoren 400 milionë televizorë, 170 milionë makina larëse, 130 milionë frigoriferë dhe 16 milionë kompyterë. Veçanërisht, në qytetin Shangai, provincën Zhegjang dhe krahinat e tjera të zhvilluara ekonomikisht, është popullarizuar përdorimi i aparateve elektroshtëpiake dhe ato ndërrohen shpejt me produkte të një "brezi" më të ri. Sipas të dhënave të përafërta, sot në Kinë eliminohen çdo vit 3 milionë e 500 mijë aparate elektroshtëpiake të vjetëruara. Ato përmbajnë një sasi të madhe lëndësh helmuese, siç janë plumbi, kadmiumi, zhiva, kromi, klorida polivinile, freoni, solucioni bromid kundër djegies e të tgjera. Një kompyter i vjetër përmban mbi 300 lloje lëndë helmuese ose të dëmshme. Prandaj, po të hidhen ato direkte në natyrë, do të dëmtohet rëndë mjedisi. Ndërsa, po të kthehen, të trajtohen dhe të ripërpunohen ato në mënyrë shkencore, pjesa më e madhe e lëndëve në to do të shndërrohen në produkte të përdorshme, kurse kostoja është vetëm 50% i produkteve të reja dhe kursehet 60% i energjetikës.

Me vendimin e Komisionit Shtetëror të Zhvillimit dhe Reformës, provinca Zhegjang është bërë e para provincë e provave që bënjnë sektorët e kthimit dhe trajtimit të aparateve elektroshtëpiake dhe produkteve të tjera elektronike të nxjerra jashtë përdorimit. Një pikë tjetër e provave është qyteti Tsindao. 7 dikastere përkatëse të provincës Zhegjang ka nxjerrë në pah "Mënyrën e përkohshme e kthimit dhe trajtimit të aparateve elektroshtëpiake dhe produkteve të tjera elektronike të vjetëruara në provincën Zhegjang".

Formimi i një rrjeti të shitjes dhe të kthimit të apoarateve elektroshtëpiake

Disa dyqane kryesore të ndërmarrjes së shitjes së produkteve elektronike Guomei në Hangzhou kanë formuar një rrjet të kthimit të aparateve elektroshtëpiake të nxjerra jashtë përdorimit, dhe kjo gjë ka tërhequr vëmendjen e shoqërisë. Një person përgjegjës i Komisionit të Ekonomisë dhe Tregtisë të provincës Zhegjang tha se ndërmarrja e Guomei, si ndërmarrja më e madhe tregtare e shitjes së produkteve elektronike në Kinë, ka epërsi të madhe në zonat e Deltës së lumit Jance. Dyqanet e saj do të kthejnë aparatet elektronike të nxjerra jashtë përdorimit dhe do t'i çojnë në qendrat e trajtimit. Në këtë mënyrë, do të formohet një rrjet i kthimit të aparateve elektroshtëpiake të nxjerra jashtë përdorimit. Puna e këtij rrjeti do të mbulojë të gjitha krahinat e Kinës Lindore. Kjo gjë do të ketë rëndësi të madhe për formimin e një zinxhiri ekonomik katër-hallkash me karakteristika kineze, ku marrin pjesë konsumatorët, prodhuesit, tregtarët dhe trajtuesit e produkteve të vjetra.

Përgjegjësi i një dyqani të ndërmarrjes Guomei në Hangzhou tha se ata do të bashkëpunojnë me Kompaninë e mbrojtjes së mjedisit për të kthyer me shpërblim aparatet elektronike të nxjerra jashtë përrodimit, dmth, duke grumbulluar aparatet elektronike të nxjerra jashtë përdorimit, si televizorët, makinat larëse, kondicionierët, frigoriferët dhe kompyterët, ata do t'u japin konsumatorëve shpërblim ose do të këmbejnë të vjetrat me ato të reja, me qëllim që të inkurajohen konsumatorët të sjellin aparatet elektroshtëpiake të nxjerra jashtë përdorimit në qendrat e rregullta të kthimit dhe trajtimit të këtyre aparateve dhe të mos ua shesin matrapazëve, të cilët, duke u vërtitur nëpër lagja, grumbullojnë me çmim të ulët aparate elektroshtëpiake të vjetëruara, pastaj i riparojnë dhe i shesin me çmim të lartë ose shfrytëzojnë disa pjesë të tyre dhe hedhin pjesët e tjera në natyrë, duke dëmtuar mjedisin.

Për të shtyrë përpara kthimin me shpërblim të aparateve elektroshtëpiake të vjetëruara dhe të nxjerra jashtë përdorimit

Përfaqësuesit e disa kompanive të njohura të produkteve elektronikje, si të kompanive Siemens, Nacional e të tjera shprehën përkrahje për fillimin e funksionimit të Rrjetit të provincës Zhegjang për kthimin dhe trajtimin e aparateve elektroshtëpiake të nxjerra jashtë përdorimit. Duke filluar nga 13 gushti i vitit 2005, Bashkimi Evropian zbaton?Ligjin e plehrave elektronike?dhe kërkon që prodhuesit, importuesit dhe tregtarët, që u shesin konsumatorëve të vendeve të Bashkimit Evropian produkte të ndryshme elektronike, të përgjigjen për kthimin dhe trajtimin e aparateve elektroshtëpiake dhe produkteve të tjera elektronike të nxjerra jashtë përdorimit. Pjesëmarrja në kthimin dhe trajtimin e aparateve elektroshtëpiake me siguri do të jetë rruga e domosdoshme për ndërmarrjet kineze të aparateve elektroshtëpiake. (Zheng)