Në fund të verës së këtij viti, i dërguar nga drejtuesi shumë i pritur televiziv kinez Cui Yongyuan, një grup i CCTV-së shkoi në Shqipëri dhe intervistoi për rubrikën e CCTV-së "Magjia e filmave artistikë" dhjetra kineastë veteranë shqiptarë të 9 filmave të vjetër shqiptarë që ishin shfaqur në vitet '70-të të shekullit të kaluar në Kinë dhe ishin pritur shumë mirë nga spektatorët kinezë.

Intervista e grupit televiziv kinez gjeti ndihmën dhe përkrahjen e madhe të kineastëve veteranë shqiptarë, veçanërisht të regjisorëve Viktor Gjika dhe Hysen Hakani etj, para se të vinte grupi në Shqipëri, ata i kishin lajmëruar aktorët e filmave të drejtuar prej tyre duke rregulluar edhe orën dhe datën e pjesëmarrjes në intervistë, duke i krijuar kështu shumë lehtësi grupit televiziv kinez për marrjen e intervistave të veta.

Z.Viktor Gjika i dhuroi edhe grupit televiziv kinez dokumentarin e tij "Gjuhë të pavdekshme ? 50 ?vjetori i Kinematografisë Shqiptare", që është një dokumentar shumë i çmuar jo vetëm për kinematografinë shqiptare, por edhe për rubrikën e CCTV-së " Magjia e filmave artistikë ".

Ndër filmat e vjetër shqiptarë, një pjesë e madhe ishin me temën e luftës antifashiste. Lidhur me këtë , regjisori Viktor Gjika tha se : "Kinematografia shqiptare e pasqyroi shumë gjerë e shumë thellë temën e Luftës Antifashiste Nacionalclirimtare dhe këta filma patën jehonë të madhe në Shqipëri, sepse bazoheshin në një të vërtetë reale, në luftën që bëri populli shqiptar kundër pushtimit nazist e fashist. Shqipëria diti të rreshtohej në anën e aleatëve antifashistë dhe kjo është një meritë historike që s'mund ta fshijë askush. Kjo bëri që kinematografia shqiptare të hyjë në zemrat e njerëzve, që shqiptarët ta duan filmin shqiptar dhe ta shohin. Është një gjë pozitive që këta filma u panë mirë edhe jashtë shtetit, në mënyrë të veçantë kemi dëgjuar që në Kinë janë shfaqur me sukses të madh dhe për ne ka qenë një kënaqësi shumë e madhe kur dëgjonim se filmat tuaj po shfaqen, po pëlqehen, personazhet tuaj i njohin të gjithë kinezët."

Heronjtë shqiptarë të rënë gjatë luftës antifashiste do të jetojnë përgjithmonë në zemrat e shqiptarëve.

Një pjesë tjetër filmash shqiptarë ishin pasqyrim i ndërtimit të atdheut nga populli puntor shqiptar si " Horizonte të hapura ", "Rrugë të bardha " etj. Personazhet kryesore të këtyre filmave janë bazuar në jetën reale të heronjve të punës, si Adem Reka etj, ata ishin shembuj dhe mbeten gjithmonë në kujtesën e spektatorëve.

Ka patur edhe disa filma të vjetër shqiptarë për fëmijë, siç janë " Guximtarët ", " Mengjese lufte ", " Beni ecen vetë ", etj, ata ishin jo vetëm xhiruar bukur, por edhe në mënyrë shumë edukative dhe ishin shumë të dobishëm për kalitjen e fëmijëve. Z.Artan Santo që kishte luajtur dikur rolin kryesor në filmin për fëmijë "Guximtarët", është tani drejtor i Bankës Credins, bankës së parë private shqiptare, ai pasi u intervistua nga grupi televiziv kinez për rolin e vet në filmin "Guximtarët" të kohës së fëmijërisë, i shoqëroi me veturë edhe anëtarët e grupit për një shëtitje në qytetin e Tiranës dhe për xhirimin e panoramave të bukura të qytetit të Tiranës. Zonja e Arkivit Qendror Shqiptar të Filmave Naria Qezari e priti ngrohtësisht grupin për një vizitë në kinostudion shqiptare dhe në Arkicin Qendror Shqiptar të Filmave, ku grupi televiziv kinez xhiroi me interes të madh reklamat e çmuara të shumë filmave të vjetër shqiptarë të ruajtura deri më tani.

Shumë aktorë të vjetër shqiptarë i treguan grupit televiziv kinez fotografitë e tyre të çmuara të bërë gjatë xhirimit të atyre filmave të vjetër si dhe gjatë kohës së tyre të rinisë, si dhe fotografi të nxjerra në skenën dramaturgjike duke luajtur role në dramat kineze "Vajza me flokë të thinjura", "Shtrëngata", " Rojet nën llampat e neonit" etj, që ishin shënjë e miqësisë midis kinezëve dhe shqiptarëve dhe që ishin pritur mirë, në ato vite, nga spektatorët shqiptarë.

Shumë regjisorë dhe aktorë shqiptarë shprehën edhe dëshirën për bashkëpunimin e mëtejshëm midis Kinës dhe Shqipërisë në fushën e kinematografisë. Duke folur për formën e bashkëpunimit, z. Mevlan Shanaj tha: "Ju ftoj të bëjmë një punë të përbashkët, të vijë Mevlani te ju dhe nga televizioni juaj të vijë një kinez". Edhe z. Rikard Ljarja tha:"Do të doja që të bashkëpunojmë, se ka tema që mund të bëjmë bashkë, do të ishin jashtëzakonisht të mira ".

Grupi televiziv kinez arriti sukses të madh në intervistat me kineastët veteranë dhe do t'i fusë së shpejti ato në rubrikën e CCTV-së "Magjia e filmave artistikë" për spektatorët kinezë, duke i shprehur falënderime të përzemërta të gjithë kineastëve shqiptarë, që i përkrahën intervistat e këtij grupi. ( Zhai)