Kultura Dongba është një kulturë fetare e kombësisë Nasi të Kinës jugperëndimore. Në kulturën Dongban përfshihen shkrimet piktografike Dongba, bibla Dongba, pikturat Dongba, muzika dhe koreografia Dongba si dhe vepra të punimeve artistike Dongba etj.

Shkrimet piktografike janë të vetmet shkrime të bazuara në figura të ruajtura deri tani në botë.

Këto shkrime piktografike Dongba që përdorin banorët e kombësisë Nasi janë të çuditshme dhe të bukura në format e tyre dhe quhen si piktografi e gjallë. Cicëroni i muzeut të arteve Dongba Miao Mu tha :

"Për arsye se ky vend në të kaluarën ka qenë jo fort i mbyllur me botën e jashtme, janë ruajtur deri tani shkrimet primitive piktografike".

Edhe pikturat Dongba janë me karakteristika të veçanta. Pikturat e murit Lijan që janë të njohura në botë janë të shpërëndara në qytetin e lashtë dhe në l5 tempujt përreth qytetit. Këto piktura të murit janë prodhime të dinastive Ming dhe Cin dhe janë me karakter të theksuar fetar.

Kurse pikturat që ekspozohen dhe shiten tani, janë piktura me karakteristika të theksuara të kombësisë Nasi dhe me ngjyra të veçanta, të prodhuar nga vet piktorët, ato janë vizatuar në një lëkurë karakteristike të ndonjë peme ose kafshe. Siç tha Miao Mu :"Ngjyrat janë prodhuar nga vet piktorët në mënyrë të fshehtë, të tjerët s'mund ta përvehtësojnë këtë mjeshtri. Pra, këto ngjyra janë jashtëzakonisht të bukura dhe nuk zbardhen kurrë. "

Kombësia Nasi është një kombësi që i preferon shumë këngët e vallet. Në muzeun e kulturës dhe arteve Dongba, korrespondentja pa edhe shënimet për lëvizjet e valleve me shkrime piktografike. Aty ishte edhe një tabelë e madhe e gdhendur në dru me gjithë pamjen e qytetit Ligjan. Miao Mu i tregoi vizitorëve : "Në këtë gdhendje janë përfshirë të gjitha pamjet kryesore të qytetit Ligjan, si rezidenca e familjes Mu, ura e madhe prej guri, qyteti i lashtë dhe karroca ujësjellëse tek hyrja e qytetit të lashtë Lijan."

Ai tha: Edhe maskat e gdhendura të kombësisë Nasi janë të mahnishme. Sipas banorëve të kombësisë Nasi, këto maska mund të parandalojnë të gjitha të këqijat. Këto maska të gdhendura janë shumë të ngjashme me ato afrikane, vetëm se ato të afrikanëve janë simetrike ndërsa ato të kombësisë Nasi nuk janë simetrike.

Pra, turizmi ka nxitur zhvillimin e industrisë kulturore të qytetit Lijang. Tani prodhimi i industrisë kulturore të këtij qyteti ka arritur në më se 200 milionë yuanë. Gjithnjë e më shumë njerëz po e njohin kulturën e lashtë të kombësisë Nasi, Dongba që është kristali i njohurive natyrore e shoqërore të kombësisë Nasi gjatë praktikës mijëvjeçare të jetës dhe punës së palodhshme të saj.( Zhai)