Ditët e fundit, në aeroportin, portin, qendrën informative të Makaos kudo ka vullnetarë të Lojërave të Azisë Lindore që japin shërbime të ndryshme. Funksionari i qendrës informative të Lojërave të Azisë Lindore Mei Zhongming tha se Lojërat e 4-ta të Azisë Lindore janë lojërat me përmasa më të mëdha që zhvillohen në Makao. Banorët e Makaos kanë entuziazëm të madh për lojërat, shumë banorë janë regjistruar të bëhen vullnetarë të lojërave. Në qershor të vitit të kaluar, qeveria e Makaos filloi të pranojë vullnetarë të Lojërave të Azisë Lindore. Deri sot, më se 15 mijë banorë të Makaos janë bërë vullnetarë. Mei Zhongming tha: "Nën thirrjen e qeverisë së rajonit të posaçëm, 400 mijë banorë të Makaos shprehin dëshirën për pjesëmarrjen në punët e Lojërave të Azisë Lindore. Ndër vullnetarët, 80% janë studentë e nxënës. Punët kryesore të vullnetarëve janë shërbimi ndaj sportistëve, trajnerëve, gazetarëve dhe ndërlidhja."

Vullnetaret Lin Juan dhe Li Jing janë studente të vitit të 4-t të Universitetit Makao. Çdo ditë herët në mëngjes, ato shkojnë në pallatin sportiv në ishullin Zai për të shitur biletat e ndeshjeve të Lojërave të Azisë Lindore.

Lin Juan dhe Li Jing vijnë nga pjesa kontinentale e Kinës. Si studentët e tjerë të Makaos, ato merrin pjesë aktivisht në punët e shërbimeve vullnetare të Lojërave të 4-ta të Azisë Lindore. Lin Juan tha: "Në Universitetin Makao afro 2000 studentë janë pjesëmarrës në shërbimet vullnetare, ndër të cilët ka qindra studentë të ardhur nga pjesa kontinentale e Kinës. Ne kemi epërsi për t'u bërë vullnetarë sepse mund të flasim gjuhën letrare kineze, dialektin e provincës Guangdong dhe gjuhën angleze."

Për shkak të jetesës shumëvjeçare në Makao, Lin Juan dhe Li Jing kanë krijuar miqësi të thellë me studentë të Makaos. Ato kanë ndjerë entuziazmin e studentëve të Makaos për Lojërat e Azisë Lindore. Li Jing tha: "Studentët e Makaos janë të mendimit se në krahasim me Honkongun, çështja sportive e Makaos është pak më e prapambetur. Këtë herë zhvillimi në Makao i Lojërave të Azisë Lindore do të nxitë patjetër zhvillimin e çështjes sportive të Makaos. Njëkohësisht zhvillimi i këtyre lojërave në Makao ka pasqyruar pohimin dhe përkrahjen e komunitetit ndërkombëtar për progresin ekonomik e shoqëror të Makaos pas kthimit në gjirin e atdheut. Prandaj studentët e Makaos dëshirojnë të japin kontributin e vet për zhvillimin me sukses të Lojërave të Azisë Lindore."

Lin Juan dhe Li Jing studiojnë specialitetin e ekonomisë dhe financave ndërkombëtare në Universitetin Makao, ato janë të mendimit se pjesëmarrja në shërbimet vullnetare është edhe një rast i mirë për ngritjen e aftësisë së tyre. Ato thanë: "Ne mund të vendosim kontakte me persona të vendeve e rajoneve të ndryshme dhe kështu do të ngrihet më tej niveli i gjuhës angleze dhe aftësia jonë për punë, të gjitha këto janë në favor të punës në të ardhmen." (Fani)