21 vjeçari kinez, Cheng Congfu, u zbulua para dy vjetëve nga skuadra Meclaren, një nga tri skuadrat më të mëdha të Formulës 1 dhe u bë pilot i përgatitur nga kjo skuadër. Me përkrahjen në fonde dhe në teknikë të kësaj skuadre, ai mori pjesë në Formulën Renault të Britanisë, në nivel të lartë. Atëherë, opinioni tha "Chengu do të hyjë në F1 brenda një viti". Por kanë kaluar dy vjete, Chengu stërvitet prapëseprapë në Formulën Renault. Megjithatë, ky i ri është gati të vazhdojë përpjekjet e tij.

"Skuderia Meclaren më ka ndihmuar shumë. Ajo pagoi të gjitha shpenzimet e mia në Angli dhe më shërbeu me mekanikët më të mirë në Angli. Edhe trajneri im ka përgatitur shumë pilotë të Formulës 1. Përsa i përket bërjes pilot i Formulës 1, jam shumë i kënaqur për gjendjen time të tanishme, ku kam mundësi të kem kontakte me F1-në dhe pilotët e saj. Në fund të fundit, në mbarë globin ka vetëm 20 pilotë  të F1-së, ndërsa 200 mijë njerëz në botë përpiqen për këto 20 vende si pilot zyrtarë."

50 vjeçari kinez Yu Zhifei është zv/drejtori i Kompanisë së Pistës Ndërkombëtare të Shangait, organizatore e Çmimit të Madh të Kinës. Si një tregtar për përhapjen e Formulës 1 në Kinë, Yu është i mendimit se kinezët janë plotësisht në gjendje të japin kontribut më të madh ta bërë më tërheqëse F1 për afaristët. Ai tha se si sport me shpenzime kolosale, F1 mbështetet shumë te sponsorët. Tani si rezultat i rritjes së shpejtë të ekonomisë kineze, shumë ndërmarrje të mëdha botërore dëshirojnë të hyjnë në tregun kinez, prandaj ato kanë shumë dëshirë të vendosin reklamë në Çmimin e Madh të Kinës.

"Shpresojmë të bëhemi nxitës të sportit të automobilizimit në botë. Sivjet, kemi organizuar Forumin për F1, ku morën pjesë shumë mysafirë të shtrenjtë të Formulës 1 dhe të qarqeve afariste, gjë që tregon forcën e veçantë tërheqëse të Pistës Ndërkombëtare të Shangait. Nga aspekti individual, unë do të përpiqem të luaj rol lidhës, që të ndihmoj ndërmarrjet e huaja të hyjnë në Kinë."

Chen Min është gazetare për sportive e një gazete të Shangait. Ajo është e mendimit se duhet ende 5 a 10 vjet që të dalë gazetari i vërtetë kinez për F1, sepse F1 është një kulturë krejtësisht e re për kinezët. Megjithatë, ajo shpreson të hyjë më tej në botën e Formulës 1, sepse ky sport u jep gazetarëve një hapësirë më të madhe dhe me më shumë sfidë.

Chu Zhenyu është një adhurues i madh i Formulës 1. Ai tha se e adhuron këtë sport që prej 10 vjetësh, sepse ai ka interes të madh për makinat. Megjithëse ka vetëm dy vjet në punë, pagesa jo e lartë nuk e pengon që të blejë biletën e shtrenjtë të Formulës 1.

Tifozë ashtu si Chu Zhenyu, që e njeh mirë F1, nuk ka shumë në Kinë. Pjesa dërrmuese e kinezëve e përqëndrojnë fokusin e tyre në pilotët e Formulës 1, duke i trajtuar si yje të dëfrimit. Megjithëse tifozëve kinezë u mungon njohja e vërtetë për thelbin e këtij sporti, entuziazmi i tyre është shfaqur dukshëm në Pistën Ndërkombëtare të Shangait, e mbushur plot me shikues. Ky entuziazëm do të bëhet forcë nxitësë për Kinën që të hyjë më tej në Formulën 1 në të ardhmen.(Wang Lei)