Qysh para 15 vjetëve, për t'i dhënë shkas zhvillimit të industrisë së teknikës së re dhe të lartë, duke marrë shembull nga përvoja e përparuar e vendeve të tjera të botës, Kina caktoi njëri pas tjetrit 50 zona të zhvillimit të industrisë së teknikës së re dhe të lartë, të cilat quhen shkurtimisht "zona të zhvillimit teknik". Njëra prej tyre është edhe zona e zhvillimit teknik e Shenzhenit, e cila gjendet në provincën Guangdong të Kinës Jugore. Në gjithë qytetin Shenzhen, që ka një sipërfaqe prej 11 kilometrash katrore, ekzistojnë sot mbi 1000 ndërmarrje industriale. Zoti Lin Bo, një nga drejtuesit e Komisionit Administrativ të zonës së zhvillimit teknik të Shenzhent, tha në një intervistë se objektivi i tyre është përgatitja dhe zhvillimi i një industrie me të drejtat autonome të patentave të dijeve. Ai tha:

"Objektivi ynë është që të krijojmë një zonë të kategorisë së parë botërore të shkencës dhe teknikës së re dhe të lartë, duke i përmbajtur parimit të krijimit autonom të të rejave. Na duhet një ambient i kategorisë së parë dhe i leverdishëm për rritjen e aftësisë krijuese të ndërmarrjeve dhe të organeve të tjera dhe për nxjerrjen e një sasie të madhe produktesh me të drejtat autonome të patentave të dijeve."

Krijimi i "inkubatorit të ndërmarrjeve" është një nga përvojat kryesore të vendeve të tjera të botës në zhvillimin e industrisë së shkencës dhe tenikës së lartë. Praktika e tyre është që ky "inkubator" t'u oferojë ndërmarrjeve me perspektivë zhvillimi paisjet e domosdoshme dhe shërbimet përkatëse. Gjatë disa vjetëve, zona e zhvillimit teknik e Shenzhenit i kushtoi rëndësi krijimit të "inkubatorit të ndërmarrjeve". "Inkubatori", që u krijua vitin e kaluar në Shenzhen në përputhje me kërkesat e profesioneve të ndryshme, përgatiti në zonën e provave paisjjet dhe materialet e domosdoshme për prova, siç janë kaldaja, makina avulluese, uji i distiluar, kompresori i ajrit e të tjera. Kështu që, çdo ndërmarrje mund të bëjë prova në këtë "inkubator".

Fabrika e prodhimit të ilaçeve Tianhë e Shenzhenit është fabrika e parë që pranoi ndihmën e "inkubatorit". Drejtori i përgjithshëm i saj, zoti Li Jiahë vlerësoi lart rolin e "inkubatorit". Ai tha:

"Inkubatori ka të gjitha, që nga ndërtesat e fabrikës dhe deri tek paisjet ndihmëse. Shumë punë të fabrikës sonë nuk i kryejmë ne, por i kryen ky "inkubator". Ky është i dobishëm për zhvillimin e ndërmarrjes sonë, sepse me ndihmën e tij, ne nuk e fillojmë punën nga shkalla e parë, por nga shkalla e tretë dhe shkalla e katërt."Ai tha se me ndihmën e inkubatorit, fabrika e tij ka prodhuar me sukses një lloj ilaçi kundër difuzionit të kancerit dhe është vënë në provën klinike të fazës së dytë.

Tani "inkubatori i ndërmarrjeve" në zonën e zhvillimit teknik të Shenzhenit ka vendosur marrëdhënie me 40 ndërmarrje, 70% i të cilave janë hapur nga personat që janë diplomuar jashtë vendit dhe që janë kthyer në atdhe. Produktet e ndërmarrjeve të tyre prekin shumë fusha, si reagjente të diagnozave, materiale të punimeve me gjenën, vaksina, ilaçe kundër tumorit e të tjera.

Një masë tjetër e rëndësishme, që ka marrë Shenzheni për rritjen e aftësisë krijuese të ndërmarrjeve, është krijimi i "parkut fiktiv të universiteteve". Shenzheni, si një qytet i ri i ndërtuar pasi Kina filloi reformën dhe hapjen, ka një histori vetëm 25 vjeçare. Në këtë qytet ka vetëm një universitet dhe 11 institucione të arsimit të lartë, të cilat nuk plotësojnë dot kërkesat e zhvilimit të ndërmarrjeve. Prandaj 6 vjet më parë, u hap këtu një "park fiktiv i universiteteve", ku marrin pjesë dhjetra universitete të njohura dhe institucione të hulumtimeve shkencore, ndër të cilat janë edhe Universiteti Pekin, Universiteti Tsinghua, Universiteti i shkencës dhe teknikës i Hongkongut, Akademia e shkencave e Kinës etj.

Pikërisht në saje të ambientit të mrekullueshëm në Shenzhen, kanë dalë pandëprerë dhe janë zhvilluar shpejt ndërmarrje të teknikës së re dhe të lartë, të cilat e marrin krijimin e të rejave si forcë lëvizëse. Ndër to, një shembull i dukshëm është kompania aksionare e teknikës Huavei. Pas 7 vjet zhvillimi, kompania Huavei është bërë një nga ndërmarrjet e ofertës me status drejtues në telekomunikacionin global.

Shuma e të ardhurave nga shitja e produkteve të kompanisë Huavei në gjashtëmujorin e parë të këtij viti arriti në 33 miliardë juanë, 85% më shumë se në të njëjtën periudhë të vitit të kaluar. Të ardhurat jashtë vendit përbëjnë mbi 60% të të ardhurave të saj. Zv-drfejtori i përgjithshëm i kësaj kompanie, zoti Hu Hongvei vuri në dukje në një intervistë se zhvillimi i kompanisë së tyre mbështetet tek krijimi i të rejave.

Tani kompania Huavei ka vendosur qendra të kërkimeve shkencore dhe të zhvillimit në SHBA, Indi, Suedi, Rusi dhe vende të tjera si dhe në Pekin, Shangai dhe qytete të tjera të mëdha të vendit. Sipas të dhënave të drejtorisë shtetërore kineze të të drejtave të patentave të dijeve, deri tani, kompania Huavei ka paraqitur lutje për 6500 patenta kombëtare dhe ndërkombëtare, duke u bërë njësia që ka paraqitur më shumë lutje për patenta në mbarë Kinën.

Vitet e fundit, industria e teknikës së re dhe të lartë në qytetin Shenzhen është zhvilluar shpejt, duke formuar një bllok ndërmarrjesh të telekomunikacionit të lëvizshëm, kompyterëve, pjesëve të inteligjencies, farmaceutikës biologjike etj. Vitin e kaluar, vlera e prodhimit në kësto ndërmarrje arriti në 300 miliardë juanë, shifër kjo që përbën gjysmën e vlerës së përgjithshme të prodhimit industrial në qytetin Shenzhen. (Zheng)