20 vjet më parë në Lojërat Olimpike të Los Anxhelosit, skermistja kineze Luan Jujie fitoi medaljen e artë olimpike, duke u bërë skermisti i parë kinez që fiton medaljen e artë në historinë e Olimpiadave.

U bë e njohur në Madrid

Në mars të vitit 1978, u zhvillua në Spanjë Kampionati i 29-të Botëror i Skermës për të rinj dhe skermistët nga 30 vende të ndryshme u mblodhën në Madrid. Gjatë ndeshjeve, ajo nuk tërhoqi vëmendjen e shikuesve, sepse të gjithë e kishin përqendruar vëmendjen te skermistët e njohur evropianë.

Gjatë ndeshjeve, Luan Jujie luajti shumë mirë dhe fitoi 12 ndeshje në grup, duke u kualifikuar për në gjysmëfinalen e kampionatit. Në gjysmëfinale, kundërshtare e saj ishte skermistja e njohur ruse Dimitran, e cila zuri vendin e dytë të Kampionatin e 28-të Botëror, por Luan Jujie luajti mrekullisht dhe fitoi 8-1 ndaj Dimitranit. Ndërsa në finale, ajo u plagos nga skerma e kundërstares, por ajo nguli këmbë për të përfunduar ndeshjen, duke dalë nënkampione. E gjithë bota u befasua.

Një gazetar francez njoftoi: "Luan Jujie është skermistja e parë aziatike që kualifikohet për në finalen e Kampionatit Botëror pas krijimit të Federatës Botërore të Skermës."

Hera e parë në Los Anxhelos

Në vitin 1984, kur Lojërat Olimpike u organizuan në Los Anxhelos, një aziatike u ngjit për herë të parë në podin e dhënies së medaljeve olimpike, ajo ishte skermistja kineze 25 vjeçare, Luan Jujie. Në vitin 1981, Luan Jujie fitoi titullin e nënkampiones në Kampionatin Botëror dhe prandaj u konsiderua nga e gjitha bota si skermistja e më mirë në botë. Në ndeshjet në grup të Lojërave Olimpike, Luan Jujie u radhit në vendin e parë me 17 fitore. Dhe në ndeshjen finale, ajo u ndesh me Hanish të Gjermanisë Perëndimore. Gjatë ndeshjes, Luan Jujie e shtoi shumë presionin dhe nuk i dha kundërshtares asnjë mundësi, duke fituar me rezultatin 8-3. Kjo është medalja e parë e artë olimpike e Kinës dhe Azisë në lojën e skermës.

Pasi la sportin, Luan Jujie u shpërngul në Kanada dhe mësoi gjuhën angleze atje me sponsorizimin e qeverisë kineze. Më vonë, ajo u ftua të marrë pjesë në klubin e skermës "Edmendo". Pas hyrjes në klub, Luan Jujie ia kushtoi vëmendjen e saj trajnimit të nxënësve. Në Kanada, ajo lindi 3 fëmijë. Çdo herë pas operacionit, ajo kthehej në klub për trajnim. Pas përpjekjeve të pandërprera, 4 nxënësit e saj u radhitën në vendet e para të renditjes në Kanada. Luan Jujie-n e quajnë edhe Nëna e Skermës. U vlerësua çdo vit nga Shoqata e Skermës e Kanadasë si trajnerja më e mirë e Kanadasë. Gjatë asaj kohe, ajo jo vetëm trajnonte nxënës, por edhe merrte pjesë në Kampionatin Kombëtar të Kanadasë, duke fituar për 4 herë titullin kampion. Luan Jujie u radhit në vendin e parë në Amerikën Veriore dhe u kualifikua për në Olimpiadën e Sidnejt kur ishte 43 vjeçe.

Luan Jujie ka një familje shumë të lumtur. Bashkëshorti i saj e përkrah shumë punën e saj në skermë, Luan Jujie e quan atë me humor "ministri i brendshëm". Luan Jujie i tha gazetarit kështu : " Ishte e shkruar që unë të bëhesha skermiste. Po të ketë mundësi, unë dëshiroj që fëmijët e mi të bëhen skermistë dhe të fitojnë medaljen e artë olimpike për atdheun." (Jiang Lei)