Të dashur lexues, ju përshëndes përsëri në rubrikën "Muzikë pop". Tao Zhe është një këngëtar tajvanez shumë i njohur. Para disa vjetëve ai ishte një prodhues muzike, ndërsa tani është një këngëtar i mirë dhe i mirëpritur nga adhuruesit. Kohët e fundit, Tao Zhe ka nxjerrë albumin e katërt "Shoqëria paqësore dhe e lulëzuar".  dëgjoni

Do të dëgjoni tani këngën me titull "Catherine", e cila është e interpretuar me kitarë që na paraqet dashurinë midis një djali dhe një vajze që quhet Catherine. Ndërsa Tao Zhe u shpreh se kjo këngë është kompozuar për nënën e tij dhe tregon që midis fëmijëve dhe prindërve ka jo vetëm dashuri, por edhe konflikte.

Tao Zhe ka lindur në Tajvan, ndërsa shkollën e mesme e ndoqi në SHBA. Kështu që ai është ndikuar nga kultura kineze dhe civilizimi i perëndimit. Në vitin 1994, Tao Zhe u kthye në Tajvan dhe mori pjesë në prodhimin e albumeve të këngëtarëve të njohur, si Du Dewei dhe Yang Caini etj. Gradualisht Tao Zhe ka krijuar stilin e vet muzikor dhe qarqet muzikore të Tajvanit e quajnë atë "Nuni i R&B-së".

Në vitin 1997, ai nxori albumin e parë "Tao Zhe", duke ndërthurur stilet muzikore të zezakëve me ato lokale. Ky album fitoi çmimet "Këngëtari i ri më i mirë" dhe "Prodhuesi i disqeve më i mirë".

Tao Zhe dëshiron që albumi "Shoqëria paqësore dhe e lulëzuar" të tregojë vëmendjen e tij për gjendjen reale.

"Më do apo e do? A është ai më i mirë se unë? Thuaje sinqerisht. A mos është njëfarë dënimi për mua nga besimi?..." Do të dëgjoni tani këngën me titull "Më do apo e do?" dëgjoni

Në këtë album ka një këngë me titull "Susan tha..." e cila është kryesisht me stilin R&B, ndërsa ka edhe një pjesë të melodisë kombëtare kineze dhe të operës së Pekinit "Susan nën mbikëqyrjen e rojave". dëgjoni

Do të dëgjoni tani këngën me titull "Çfarë është dashuria?".  dëgjoni Në këtë këngë thuhet "A është e rëndësishme dashuria? Nuk jam i qartë për këtë. Ka apo nuk ka dashuri, për mua s'ka rëndësi fare." Ndoshta kështu e kuptojnë të rinjtë dashurinë.

Në fund të programit të sotëm do të dëgjoni këngën me titull "Strategjia ushtarake Sun Zi". Tao Zhe ka bashkëpunuar me kompleksin e përbërë nga 12 vajza, duke ndërthurur veglat muzikore kombëtare me ato perëndimore.

Të dashur lexues, sapo keni dëgjuar albumin e ri të këngëtarit Tao Zhe me titull "Shoqëria paqësore dhe e lulëzuar".  dëgjoni

Mirudëgjofshim! (U Sen)