Dëgjoni 

Kjo këngë është kompozuar nga muzikantët kinezë Ma Hanbin dhe Liu Zhi. Në të këndohet: "Sinkian-ujguri ynë është një vend i bukur. Kudo ka kullota të mira të pikëzuara me lopë e dele". Nëpërmjet fjalëve të thjeshta dhe melodisë së rrjedhshme me karakteristika të kombësisë ujgure, në këtë këngë tregohet dashuria e banorëve të Zonës Autonome të Sinkian-Ujgurit të Kinës ndaj vendlindjes së tyre.

Kombësia ujgure është një ndër pakicat kombëtare kineze me një histori të gjatë. Populli i kësaj kombësie ndodhet i shpërndarë kryesisht në krahina të ndryshme të Zonës Autonome të Sinkian-Ujgurit të Kinës veriperëndimore. Populli i kombësisë ujgure është i aftë në vallëzim e në të kënduar dhe është shumë dashamirës. Sa herë vjen ndonjë mysafir në shtëpinë e tyre, pavarësisht nëse ai është i varfër apo i pasur, ata e mirëpresin si mysafir të shtrenjtë, duke ia nxjerrë çaj të përzier me qumësht, rrush të thatë të ëmbël si dhe fruta të freskëta. Kënga që do të dëgjoni më pas është një këngë lidhur me këtë karakteristikë të kombësisë ujgure. Tani, le të ndjekim këngën "Të këndojmë para mysafirit të nderuar".

Dëgjoni 

Në sytë e popullit të kombësisë ujgure, lulja është një simbol i lumturisë, prandaj atyre u pëlqejnë shumë lulet e ndryshme. Emrat e luleve shpesh përdoren si emra të femrave ujgure. Mënyrat e ndryshme për shprehjen e dashurisë së tyre ndaj luleve janë bërë një pjesë e zakoneve të kombësisë ujgure. Për shembull, në pranverë, ata marrin me vete një lule, e mbajnë në dorë, e vënë në flokë, madje e kapin me gojë. Në këtë kohë, vajza të bukura ujgure kërcejnë vallëzim kombëtar, duke kënduar këngë të këndshme popullore. Tani, ju ftojmë të shijoni këngën "Baharguli", e cila shpesh këndohet nga vajzat ujgure në pranverë. Kjo këngë është kompozuar nga kompozitorët kinezë Ding Lang dhe Pi Çën. Në të vlerësohet një lloj luleje e bukur dhe përshkruhet gëzimi i banorëve ujgurë.

Dëgjoni 

Në fund të programit të sotëm, ju ftojmë të shijoni këngën "Lumi Tarim". Me një gjatësi më shumë se 2000 kilometra, Lumi Tarim është lumi më i gjatë i brendshëm i Kinës. Tokat në dy anët e këtij lumi janë shumë pjellore dhe populli ujgur rritet brez pas brezi në këto toka, pradaj, ata e quajnë lumin Tarim si Lumi Mëmë. Nëpërmjet këndimit të këngëtarit ujgur, Këlim, mund të ndieni dashurinë e madhe dhe vlerësimin e popullit ujgur ndaj lumit Mëmë, lumit Tarim.

Dëgjoni 

(Çan Yean)